Baynıñ aqçasın sanıy-sanıy xäyerçeneñ tele arıy...Dönya mäğlümat çaraları – törle illärdä yäşäw standartlarınıñ naçaraya baruı turında çañ qağa, aqçası 1 milliard dollardan artıp barğan keşelär sanı yıldan yıl üsä.
Bıyılğı 793 bay keşeneñ 453e genä baylıqların üzläre eşläp cıyğan, qalğannarına miras itep qaldırılğan.
Uzğan yıl isemlektä 68 xatın-qız bulsa, bıyıl bay xanımnar sanı 78gä citkän. Alarnıñ 6sı ğına baylıqnı üz eşmäkärlege belän tuplağan. Jurnalnıñ baş möxarrire Steve Forbes, isemlektäge iñ yäş keşene atadı:
"Bezneñ yaña yäş milliarderıbız bar, ul 22 yäşlek Hind Harriri, üterelgän Livan premyer-ministrınıñ qızı."
Äytergä kiräk, Forbesnıñ baylar isemlegendä Harriri ğailäseneñ 4 äğzasen kürep bula. Barlığı alarnıñ aqçası 17 milliardlap dip xisaplana. Premyer-ministr Rafiq Harririnıñ 2005nçe yılnıñ fivralendä faciğale ülemennän soñ, alarnıñ xissäläre yaxşı urınnarğa salınıp 4 märtäbä artqan.
Rusiädä millarderlarnı barlağanda, Forbes jurnalı gel saq bulırğa tırışa. Aqçalarnıñ qaydan kilgäne tikşerelä, Yeltzin zamanındağı qanunsız xosusilaştıruğa qatnaşı bulu-bulmawı açıqlana. Jurnal möxarrireneñ urınbasarı Luisa Kroll süzlärenä qarağanda, Rusiädä yaña tör baylar barlıqqa kilä başladı:
"Bezneñ isemlektä Rusiädän yaña keşe bar, 44 yäşlek Röstäm Tariko, anıñ aqçası 1 milliard 900 million dip isäplänä. Ul elekkelär kebek baylığın neft yä gaz ölkäsendä tügel, ä yuğarı sıyfatlı İmperiä araqısın uylap çığarıp tuplağan, ä xäzer ul xalıqqa ker yuu maşinaları kebek köndälek kiräk-yaraqları alır öçen kreditqa aqça birü belän şöğellänä."
İsemlektän töşep qalsa da, Mixail Xodorkovskinı iskä almaw - döres bulmas, dip sanıy jurnal wäkilläre. Qayçandır 15 milliard dollar aqçağa iä bulğan Yukos neft şirkäte başlığı Xodorkovski, salım tülämäwdä ğäyeplänep xäzer Seberdä törmädä utıra. Forbes anı üz isemlegennän töşerep qaldırdı, läkin anıñ aqçasın 500 million dollar dip bäyäli.
Rusiäneñ iñ bay keşese – Londonda yäşäwçe 39 yäşlek Roman Abramoviç, anıñ aqçası 18 milliard 200 million dollar dip isäplänä.
Qazaxstanda aqçaları milliard dollardan artqan ike keşe bar, 52 yäşlek Alican İbrahimov häm 45 yäşlek Vladimir Kim. Berençe tapqır isemlekkä Çexiädän 41 yäşlek Petr Kellner isemle eşquar kerde.
Forbes jurnalı dönyada milliarderlar sanın yıl sayın 1987dän birle iğlan itep tora. Monıñ öçen 7 ildä jurnalnıñ 30 xäbärçese eşli. Elekkegeçä iñ küp milliarderlar yäşägän il – Amerika Quşma Ştatları, anda barlığı 371 milliarder bar, alarnıñ 45şe – New York şähärendä. Baylar iñ küp yäşägän dönyanıñ ikençe şähäre – Mäskäw, Rusiä başqalasında 25 milliarder yäşi. Annan soñ ğına London kilä, anda aqçası 1 milliard dollardan artqan keşelärneñ sanı – 23.
alsu qormaş
Bıyılğı 793 bay keşeneñ 453e genä baylıqların üzläre eşläp cıyğan, qalğannarına miras itep qaldırılğan.
Uzğan yıl isemlektä 68 xatın-qız bulsa, bıyıl bay xanımnar sanı 78gä citkän. Alarnıñ 6sı ğına baylıqnı üz eşmäkärlege belän tuplağan. Jurnalnıñ baş möxarrire Steve Forbes, isemlektäge iñ yäş keşene atadı:
"Bezneñ yaña yäş milliarderıbız bar, ul 22 yäşlek Hind Harriri, üterelgän Livan premyer-ministrınıñ qızı."
Äytergä kiräk, Forbesnıñ baylar isemlegendä Harriri ğailäseneñ 4 äğzasen kürep bula. Barlığı alarnıñ aqçası 17 milliardlap dip xisaplana. Premyer-ministr Rafiq Harririnıñ 2005nçe yılnıñ fivralendä faciğale ülemennän soñ, alarnıñ xissäläre yaxşı urınnarğa salınıp 4 märtäbä artqan.
Rusiädä millarderlarnı barlağanda, Forbes jurnalı gel saq bulırğa tırışa. Aqçalarnıñ qaydan kilgäne tikşerelä, Yeltzin zamanındağı qanunsız xosusilaştıruğa qatnaşı bulu-bulmawı açıqlana. Jurnal möxarrireneñ urınbasarı Luisa Kroll süzlärenä qarağanda, Rusiädä yaña tör baylar barlıqqa kilä başladı:
"Bezneñ isemlektä Rusiädän yaña keşe bar, 44 yäşlek Röstäm Tariko, anıñ aqçası 1 milliard 900 million dip isäplänä. Ul elekkelär kebek baylığın neft yä gaz ölkäsendä tügel, ä yuğarı sıyfatlı İmperiä araqısın uylap çığarıp tuplağan, ä xäzer ul xalıqqa ker yuu maşinaları kebek köndälek kiräk-yaraqları alır öçen kreditqa aqça birü belän şöğellänä."
İsemlektän töşep qalsa da, Mixail Xodorkovskinı iskä almaw - döres bulmas, dip sanıy jurnal wäkilläre. Qayçandır 15 milliard dollar aqçağa iä bulğan Yukos neft şirkäte başlığı Xodorkovski, salım tülämäwdä ğäyeplänep xäzer Seberdä törmädä utıra. Forbes anı üz isemlegennän töşerep qaldırdı, läkin anıñ aqçasın 500 million dollar dip bäyäli.
Rusiäneñ iñ bay keşese – Londonda yäşäwçe 39 yäşlek Roman Abramoviç, anıñ aqçası 18 milliard 200 million dollar dip isäplänä.
Qazaxstanda aqçaları milliard dollardan artqan ike keşe bar, 52 yäşlek Alican İbrahimov häm 45 yäşlek Vladimir Kim. Berençe tapqır isemlekkä Çexiädän 41 yäşlek Petr Kellner isemle eşquar kerde.
Forbes jurnalı dönyada milliarderlar sanın yıl sayın 1987dän birle iğlan itep tora. Monıñ öçen 7 ildä jurnalnıñ 30 xäbärçese eşli. Elekkegeçä iñ küp milliarderlar yäşägän il – Amerika Quşma Ştatları, anda barlığı 371 milliarder bar, alarnıñ 45şe – New York şähärendä. Baylar iñ küp yäşägän dönyanıñ ikençe şähäre – Mäskäw, Rusiä başqalasında 25 milliarder yäşi. Annan soñ ğına London kilä, anda aqçası 1 milliard dollardan artqan keşelärneñ sanı – 23.
alsu qormaş