Düşämbe könne Tatarstan Prezidentı Mintimer Şäymiev Assotsiatsiäse başlığı, ictimaği palata äğzası Eduard Salagaevnı qabul itte. Eduard Salagaev zamanında SSSR jurnalistlar berlege räise Ostankino, TV 6, GTRK başlığı bulıp eşlägän keşe. Tatarstan citäkçese belän dustanä mönäsäbättä. Mäskäw Televidenie başlıqları barsı da Qazan dusları. Ämma ekrannarda tatar tormışı haman elekkeçä. Bu yulı süz närsä turında barğan soñ? Räsmi belderüdä, töbäk mäğlümat çaralarına Yevrosoyuznıñ “Tasis” proyektı qısalarında yärdäm itü turında süz bara. Yaqındağı ike yıl eçendä Rusiäneñ altı töbägendä ğämälgä quyılaçaq bu programmada Tatarstan da qatnaşa ikän. Törle seminarlar, uqular bulaçaq. Tatar tormışınıñ dönyağa çağılışına monıñ niçek niçek tä'sir itüen xäzergä äytüçe yuq.
Rimzil Wäli
