Bügen İzraildä ütkän parlament saylawları törle köç qullanu aksialäre belän bäylänep bara. İzrailneñ könyäğında fälästin suğışçıları atqan raqeta şartlağan. Atalı ullı ike kötüçe-bädäwi hälaq bulğan. Bu atışlar öçen cawplılıqnı «Íslam Cixadı» törkeme üz östenä alğan. İordan yılğasınıñ könbatış yarındağı İzrail xärbiläre bu törkemneñ ber suğışçısın ütergän. Saylawlar İzraildä bik sürän bara, xalıq az kilä. Berençe urınğa , Ariel Şaron tözegän uñüzäk «Qädima» partiase çığar dip farazlana. Anı premer ministr wazífaların başqaruçı Exud Olmert citäkli. «Qädim»nıñ töp köndäşläre – «Likud» häm «Eş» partiase. Küzätüçelär fikerençä alarnıñ berse dä parlamentta küpçelelek tawışnı yawlıy almayaçaq. Ciñep çıqqan partia koalisia xökümäte tözäyäçäk. Xäzergä knessettağı 120 urınnıñ 34ten «Qädima» partiase alır dip farazlana.
