Accessibility links

Кайнар хәбәр

Açıq mikrofon: Sez sälämätlek ölkäsennän qanäğätme?


Qazan uramnarında törle yäştäge abzıy-apalar häm dä studentlar da açıq mikrofonğa üzläreneñ sälämätlek ölkäsenä qarata fikerlären äyttelär. Urta yäşlärdän uzıp baruçı äfände keşe sälämätlegen maşina belän çağıştırdı. Anı gel caylap-maylap torırğa kiräk dide. Ul yäş 35-40 tan arta barğaç bigräk tä dip östäde. Anıñ fikerençä Tatarstannıñ şifaxanäläre kiräkle taläplärgä turı kilmi häm tabiplar da törle. Qaysıberläre äybät qarıy, ä qayberläre xaywanğa qarağança qarıy. Äle süzläre belän bik yıraq cirlärgä cibärüläre mömkin dide. Student qız studentlar şifaxanäsennän zarlandı. Tabiplar yaqtı çıray belän qarşı almıylar, törle ısullar qullanıp aqça eşlärgä tırışalar, şunnan soñ barası da anda kilmi dip tä östäde. Urta yäşlärdäge xanım min şifaxanägä bötenläy barmıym, şpritslardan çir genä yoqtırıp qaytasıñ dide. Öydä ülännär belän däwalanıp Xodaydan sälämätlek sorarğa kiräk dip kiñäş birde. Ütep baruçı abıy min üzemneñ sälämätlektän häm şifaxanälärdän, tabiplardan qänäğätlegen citkerde. Ğomumän başqala xalqı sälämätlek ölkäsenä bitaraf tügel, barsında diärlek şifaxanälärdä xezmät kürsätü häm tabiplarnıñ ğadi xalıqqa bitaraflığı borçıy. Röstäm İsxaqi
XS
SM
MD
LG