Keçkenä Oka avtomobil' läreneñ yazmışı bilgesezlek astında qalğaç,Rusiä buyınça ber törkem xalıq prezident V.Putinğa möräcäğät yulladı.Anda ''Ока'' maşinalarınıñ küpçelek xalıq öçen berdänber avtomobil' buluı,anı eşläp çığarunı tuqtatu döres yul bulmawı kürsätelä.Şuşı uñaydan ''Азатлык''та da fikerlär äytelde.Çallı maşinalarınıñ kiläçäge nindi?Kisterep kenä äytü mömkin tügel.Ni öçen digändä, keçe litrajlı avtomobillär zavodınıñ direktorı A.Korneyçuk jurnalistlar belän oçraşu waqıtında väzğıäytkä açıqlıq kertä almadı,yäki kertergä telämäde.Uzğan yıl ''Severstal'Avto'' aksionerlıq cämğiäte ''Ока'' zavodın satıp alğan ide. ''Severstal'Avto'' kompaniäseneñ üzäge Vologda ölkäseneñ Çerepovetsk şähärendä. Menä ber yıl waqıt uzdı,üzgäreşlär nindi?Bu xaqta uzğan comğada aksionerlar cıyılışında söyläşü buldı. Zavodta Koreyanıñ "Rekston" maşinaların cıya başlasalar da şirkät iseme elekkeçä qaldı.Cıyılışqa jurnalistlar kertelmäde.Şunısı bilgele Koreya avtomobillären citeşterüne oyıştıruğa ''Северсталь Avto '' 70 mln. Dollar aqça totaçaq.Çallıdağı "OKA" zavodınıñ başqaruçı direktorı A.Korneyçuk üz urınında qala.Yaña direktorlar şurasında Çallıdan,Tatarstannan ber keşe dä yuq.Elek zavodnıñ bülmä işeklärendä tatarça yazular da kürenä ide,xäzer tatar möhite küzgä çalınmıy. A.Korneyçuk ütkärgän matbuğat konferensiäsendä jurnalistlarnı Oka yazmışı qızıqsındırdı.Korneyçuk äfände süzlärençä ul Okağa tiskäre qaraşta tora.Keşelär qurqınıçsız ,çit illärdä eşlängän maşinalarda yörergä tieşlär.Rusiälelär amerikannar kebek keşelär häm yaxşı avtomobillärdä cilderergä xoquqlı,dip iskärtte,sannar kiterde.Uzğan yıl Rusiädä 22 milliard dollarlıq maşina satılıp, 46%ı çit ildän kertelgän. Korneyçuk äfände jurnalistlarnı bügen dä Oka avtomobillären citeşteräbez,- dip ışandırdı.Çınbarlıqta Çallıda Serpuxovo şähärendä eşlängän Okalar ğına satıla.A.Korneyçuk :''безнең Okalarnıñ qayda satıluı iqtisadıy ser-dide.Yaña çığarılğan Rekstonnarnıñ qay taraflarda satıluı da yäşeren mäğlümlät ikän.Barı tik bıyıl Çallıda 600 koreya avtomobile eşlänüe bäyän itelde .Ber yıl elek zavodta 2700 keşe eşläsä,xäzer 1000 kim. Korneyçuk äfände äytüençä 1 genä keşe dä eştän qısqartılmağan, eşçelär üzläre kitkännär...Kiläçäktä ingliz telen belüçelärne genä eşkä alaçaqbız,awızı qolağına citkänçe yılmayuda belä ikän ,ul keşe eşkä qabul itelgän,-dide direktor A.Korneyçuk.
Ğafiulla Ğaziz, Çallı
