Cirle çığanaqlarnıñ belderüenä qarağana, Milinkeviçne bügen Minskta militsiä noqtasına alıp kitkännär. Oppozitsiädäge Belorus Xalıq Frontı başlığınıñ urınbasarı häm Minsktağı mitingnı oyıştıruçılarnıñ berse Viktor İvaşkeviç tağı da ike oppozitsiä citäkçeseneñ dä qulğa alınğanın radiobızğa belderde.
"Bügen irtän kompartiä başlığı Sergey Kaliakin häm Xezmät Partiäse başlığı Alyaksander Buçvostav ta qulğa alındılar. Alar militsiädä nindider añlatma birergä tieşlär ikän. Nindi alatma anısın belmim."
Ber kön elegeräk Belorus Xalıq Frontı başlığı Vintsuk Vyaçorka da qulğa alınğan ide. İke kön elek isä Berläşkän Grazdannıq Partiäse başlığı Anatoli Lebedko qulğa alınğan bulğan. Minsk mäxkämäse bügen üq Milinkeviçnı röxsät itelmägän protest mitingın oyıştıruda ğäyeple tabıp anı 15 köngä törmä cazasına xökem itte. Xalıq Frontı citäkçese Vyaçorka häm Xezmät Partiäse başlığı Buçvostau da şulay uq räxsät itelmägän mitingta qatnaşuda ğäyeplänep 15-är kön törmä cazasına xökem iteldelär. Kompartiä citäkçesenä 14 kön birelgän. Çernobıyl häläkätenä 20 yıl tulunı isk alu öçen ütkärelgän demonstratsiädä qatnaşuçılarğa Minsknıñ Üktäber Maydanına kerü tıyılğan ide. Xalıq maydanğa yaqınlaşqaç militsiä alarğa ike kilomtr yıraqlıqtağı Fännär Akademiäsenä yünälergä boyırdı. Ciınnı anda ütkärergä röxsät itelgän ide. Martnıñ 19-nda bulğan prezident saylaularında Üktäber maydanında bäreleşlär bulğan ide. İvaşkeviçnıñ süzlärençä, kiçäge protestta qatnaşuçılar arasında yäşlär küp bulğan.
"Protest belderüçelärneñ küpläre yäşlär ide Alar yäşlär, student yäşendägelär ide. Töp şiğar İreklek ide."
İvaşkeviç radiobız xäbärçesenä oppozitsiä ekonomik problemmalar rejimnı cimerügä kiterer dip ömetlänä dide. Anıñ süzlärençä, Rusiä Belorusqa gaznıñ bäyäsen kütärsä, ilneñ iqtisadı cimereläçäk , jäşüsmerlär. xezmät iäläre häm pensionerlar uramğa ağılaçaq. Xäzer 15 köngä törmägä xökem itelgän oppozitsiä citäkçese Milinkeviç Fännär Akademiäse yanında kiçä ütkärelgän mitingta yasağan çığışında oppozitsiä ike yıl eçendä Lukaşenkanı çitlätäçäk dip belderde.
"Bez monı niçek eşlärgä kiräklegen beläbez. Biş yıl kötärgä kiräkmi. Bez rejimın cimerep prezident Lukaşenkanı xakimiättän çitlätäçäkbez. Bu bezneñ maqsät. Aña ireşäçäkbez."
Milinkeviç ğadel bulmağan dip bäyälängän prezident saylaularınnan soñ, qayber Yevropa illärendä buldı häm Könbatış illäre citäkşçeläreneñ yaqlauın alırğa tırıştı. Yevropa Berlege Belorusnıñ 31 ölkän räsmisenä, şul sanda prezidentqa viza birüne tıydı. Milinkeviç Çärşämbedäge mitingta yasağan çığışında Belorusta üzgäreşlär bik tiz bara häm xalıq endäşmiçä tormayaçaq häm bez xalıq yäşäsen Belorus dip belderde.
Audio
Milinkeviç ciında kiläse miting 1-nçe May Bäyräme vaqıtında bulaçaq dip beldergän ide. Ul häm başqa qayber oppozitsiä citäkçeläreneñ 14-15 köngä törmägä xökem itelgän buluların küz aldında totqanda, alar anda qatnaşa almayaçaqlar kebek.
Färit İdelle, Praga.
"Bügen irtän kompartiä başlığı Sergey Kaliakin häm Xezmät Partiäse başlığı Alyaksander Buçvostav ta qulğa alındılar. Alar militsiädä nindider añlatma birergä tieşlär ikän. Nindi alatma anısın belmim."
Ber kön elegeräk Belorus Xalıq Frontı başlığı Vintsuk Vyaçorka da qulğa alınğan ide. İke kön elek isä Berläşkän Grazdannıq Partiäse başlığı Anatoli Lebedko qulğa alınğan bulğan. Minsk mäxkämäse bügen üq Milinkeviçnı röxsät itelmägän protest mitingın oyıştıruda ğäyeple tabıp anı 15 köngä törmä cazasına xökem itte. Xalıq Frontı citäkçese Vyaçorka häm Xezmät Partiäse başlığı Buçvostau da şulay uq räxsät itelmägän mitingta qatnaşuda ğäyeplänep 15-är kön törmä cazasına xökem iteldelär. Kompartiä citäkçesenä 14 kön birelgän. Çernobıyl häläkätenä 20 yıl tulunı isk alu öçen ütkärelgän demonstratsiädä qatnaşuçılarğa Minsknıñ Üktäber Maydanına kerü tıyılğan ide. Xalıq maydanğa yaqınlaşqaç militsiä alarğa ike kilomtr yıraqlıqtağı Fännär Akademiäsenä yünälergä boyırdı. Ciınnı anda ütkärergä röxsät itelgän ide. Martnıñ 19-nda bulğan prezident saylaularında Üktäber maydanında bäreleşlär bulğan ide. İvaşkeviçnıñ süzlärençä, kiçäge protestta qatnaşuçılar arasında yäşlär küp bulğan.
"Protest belderüçelärneñ küpläre yäşlär ide Alar yäşlär, student yäşendägelär ide. Töp şiğar İreklek ide."
İvaşkeviç radiobız xäbärçesenä oppozitsiä ekonomik problemmalar rejimnı cimerügä kiterer dip ömetlänä dide. Anıñ süzlärençä, Rusiä Belorusqa gaznıñ bäyäsen kütärsä, ilneñ iqtisadı cimereläçäk , jäşüsmerlär. xezmät iäläre häm pensionerlar uramğa ağılaçaq. Xäzer 15 köngä törmägä xökem itelgän oppozitsiä citäkçese Milinkeviç Fännär Akademiäse yanında kiçä ütkärelgän mitingta yasağan çığışında oppozitsiä ike yıl eçendä Lukaşenkanı çitlätäçäk dip belderde.
"Bez monı niçek eşlärgä kiräklegen beläbez. Biş yıl kötärgä kiräkmi. Bez rejimın cimerep prezident Lukaşenkanı xakimiättän çitlätäçäkbez. Bu bezneñ maqsät. Aña ireşäçäkbez."
Milinkeviç ğadel bulmağan dip bäyälängän prezident saylaularınnan soñ, qayber Yevropa illärendä buldı häm Könbatış illäre citäkşçeläreneñ yaqlauın alırğa tırıştı. Yevropa Berlege Belorusnıñ 31 ölkän räsmisenä, şul sanda prezidentqa viza birüne tıydı. Milinkeviç Çärşämbedäge mitingta yasağan çığışında Belorusta üzgäreşlär bik tiz bara häm xalıq endäşmiçä tormayaçaq häm bez xalıq yäşäsen Belorus dip belderde.
Audio
Milinkeviç ciında kiläse miting 1-nçe May Bäyräme vaqıtında bulaçaq dip beldergän ide. Ul häm başqa qayber oppozitsiä citäkçeläreneñ 14-15 köngä törmägä xökem itelgän buluların küz aldında totqanda, alar anda qatnaşa almayaçaqlar kebek.
Färit İdelle, Praga.