Amerika älämen danlawçı, Amerikan qimmätlären çağıldıruçı cırnı şulay itep xäzer ispança da cırlıylar. Nuestro Himno yäğni bezneñ gimn dip atalğan bu cır äle ingliz telen öyränep ölgermägän möhäcirlärgä ul qimmätlärne üzläştererü mömkinlege biräçäk. Härxäldä yaña İspan telendäge gimnnı äzerlägän Britan muzıka produserı Adam Kidron şundıy fikerdä.
Ämma bu cır Amerikada inde şaw-şu da quptarırğa ölderde. Aña xätta möhäcirlär xoquqların yaqlawçılar da saqlıq belän genä qarıy.
İspan telendä söyläwçe şaqtıy tanılğan ber radioda tapşırular alıp baruçı Pedro Biaggi bu gimn Amerikadağı küpsanlı ispan tellelärgä zıyan kiterä ala dip isäpli. Şul uq waqıtta ul Rueters xäbär agentlığına bu cırnı äzerläwçelärneñ maqsatların xuplawı turında belderde. "Ul şaqtıy mäxäbbät, şaqtıy xörmät belän yazılğan" di Biaggi.
Ämma başqalar bu cırğa kisken qarşı çığa. Ber komentator xätta anı Amerikada röxsätsez yäşäwçe çit il keşeläre gimnı dip atadı.
Waşingtonda urnaşqan Möhäcirlek tikşerenüläre üzäge başlığı Mark Krikorian Fransuzlar da Marselyezanı ingliz telendä cırlawnı Fransuz watandarlığı bilgese dip qabul itmäs ide di.
Uzğan atna axırında bu bäxäs xätta Aq Yortqa qädär barıp citte. Comğa könne matbuğat oçraşuında prezident George Bushnıñ da fikeren soradılar. Ul "İlneñ gimnı ingliz telendä cırlanırğa tieş. Häm minemçä bu ilneñ watandaşı bulırğa teläwçelär ingliz telen öyränergä tieş. Alar ilneñ gimnın ingliz telendä cırlarğa öyränergä tieş" dide.
Citmäsä bu cır ildä röxsätsez yäşäwçe 11 millionnan artıq möhäcir turında bäxäsneñ näq qızğan çağında çıqtı. Senat alarnıñ kübesenä amerika watandaşı bulu mömkinlege biräçäk dokument äzerlägändä, Wäkillär Palatası ilgä röxsätsez kerügä qarşı qanun qabul itte. Uzğan atnalarda röxsätsez möhäcirlärne yaqlawçı millionnarça keşe Amerikanıñ törle öleşlärendä protest demonstratsiälärenä çıqtı. Bu mitinglar 1-nçe mayda da däwam itä.
Naif Aqmal, Praga.
Ämma bu cır Amerikada inde şaw-şu da quptarırğa ölderde. Aña xätta möhäcirlär xoquqların yaqlawçılar da saqlıq belän genä qarıy.
İspan telendä söyläwçe şaqtıy tanılğan ber radioda tapşırular alıp baruçı Pedro Biaggi bu gimn Amerikadağı küpsanlı ispan tellelärgä zıyan kiterä ala dip isäpli. Şul uq waqıtta ul Rueters xäbär agentlığına bu cırnı äzerläwçelärneñ maqsatların xuplawı turında belderde. "Ul şaqtıy mäxäbbät, şaqtıy xörmät belän yazılğan" di Biaggi.
Ämma başqalar bu cırğa kisken qarşı çığa. Ber komentator xätta anı Amerikada röxsätsez yäşäwçe çit il keşeläre gimnı dip atadı.
Waşingtonda urnaşqan Möhäcirlek tikşerenüläre üzäge başlığı Mark Krikorian Fransuzlar da Marselyezanı ingliz telendä cırlawnı Fransuz watandarlığı bilgese dip qabul itmäs ide di.
Uzğan atna axırında bu bäxäs xätta Aq Yortqa qädär barıp citte. Comğa könne matbuğat oçraşuında prezident George Bushnıñ da fikeren soradılar. Ul "İlneñ gimnı ingliz telendä cırlanırğa tieş. Häm minemçä bu ilneñ watandaşı bulırğa teläwçelär ingliz telen öyränergä tieş. Alar ilneñ gimnın ingliz telendä cırlarğa öyränergä tieş" dide.
Citmäsä bu cır ildä röxsätsez yäşäwçe 11 millionnan artıq möhäcir turında bäxäsneñ näq qızğan çağında çıqtı. Senat alarnıñ kübesenä amerika watandaşı bulu mömkinlege biräçäk dokument äzerlägändä, Wäkillär Palatası ilgä röxsätsez kerügä qarşı qanun qabul itte. Uzğan atnalarda röxsätsez möhäcirlärne yaqlawçı millionnarça keşe Amerikanıñ törle öleşlärendä protest demonstratsiälärenä çıqtı. Bu mitinglar 1-nçe mayda da däwam itä.
Naif Aqmal, Praga.