Accessibility links

Кайнар хәбәр

İran üzeneñ atom programmasın säyäsiläştermäskä çaqıra


İran tışqı eşlär ministrı Manuçir Mottaqi İrannıñ atom programması mäs'äläsen säyäsiläşterergä kiräkmi dide. "Bu mäs'äläne İminlek Şurasına tapşıru säyäsi qarar häm qayber ayırım illär texnik atom energiäse mäs'äläsen säyäsiläştermäskä tieş" dide Mottaqi. Azärbäycan başqalası Baqıda çığış yasap İran ministrı tağın ber märtäbä Tähran basımğa häm yanawlarğa bireşmiäçäk häm üzeneñ atom programmaların täwäkkäl räweştä tormışqa aşıraçaq dide. Kiçä AQŞ prezidentı George Bush İran tınıçlıq xaqına üzeneñ atom programmalınnan baş tartırğa tieş digän ide. AQŞ yaqlawında Britaniä häm Fransiä BMO İminlek Şurasına İrannı uran bayıtu eşen tuqtatırğa çaqıruçı rezolütsiä ölgese tapşırdı. Könbatış İran yäşeren räweştä atom qoralı yasarğa mataşa dip şiklänä.
XS
SM
MD
LG