Bu AQŞ terrorğa qarşı suğış iğlan itkännän soñ BMOnıñ 10 ağzadan torğan komitetınıñ Washingtonnıñ kampaniäsen berençe märtäbä tikşerüe bulıp tora. Komitet AQŞ terrorğa nindi añlatma birä häm bu añlatma BMOnıñ Cäberlävne tıyğan konvensiäsenä turı kiläme digän mäsäläne açıqlarğa tırışa. Qayber soraular- Ni öçen AQŞ Justisiä Ministerlege ike yıl elek kenä cäberlävgä BMOna qarağanda tögäleräk mäğnä birde? AQŞ Ğıraqtağı törmä skandalınnan elek nindi çaralar kürde häm CİAnıñ yäşeren törmäläre, terror şiklelärne başqa illärdä cäberläve kebek ğäyeplävlärne dä açıqlarğa tırışa. Cäberlävgä qarşı kampaniä alıp baruçı Londondağı Redress törkeme direktorı Carla Ferstman bu tıñlaular möhim digän fikerdä.
"Minemçä, bu xalıqara cämağätçellekkä AQŞnıñ terrorğa qarşı suğışındağı qayber praktikasın açıqlau öçen möhim mömkinlek birä."
Washington bu tıñlaularğa 25 keşelek törkem cibärde. Anıñ belän Dävlät Departamentınıñ xoquq buyınça kiñäşçese John Bellinger citäkli. Ul yäşeren CİA oçışları turndağı ğäyeplävlärne qätği kire qaqtı. Bellinger meñärlägän şikle şäxes cäberläv maqsäte belän öçençe illärgä alıp barıldı digän ğäyeplävlär döreslekkä turı kilmi dip belderde. Läkin, BMOnıñ cäberläv buyınça mäxsus räsmise Manfred Novak ta Washington qayber şiklelärdän sorau alır öçen yäşeren urınnardan faydala dip ışanuın belderde.
"Qayber şöxeslärneñ AQŞ qulında buluı xaqında bezdä dälillär bar. Tik alarnıñ qayda buluın ber kem dä belmi. Bu inde yäşeren totu urınarı buluın ispat itä. Bu andıy şäxeslärneñ ezsez yuğalğan buluın kürsätä häm bu keşe xoquqların citdi räveştä bozu bulıp tora."
BMOsı komitetı tıñlaularnıñ nätiäcäsen 19-nçe Mayda iğlan itäçäk. Cäberlävgä qarşı komitetnıñ nindi dä bulsa ilne cazalandıru xoquqı bulmasa da, Ferstmannıñ süzlärençä, anıñ täqdimnäre ul illärne uñaysız xäldä qaldıra.
Färit İdelle, Praga.
"Minemçä, bu xalıqara cämağätçellekkä AQŞnıñ terrorğa qarşı suğışındağı qayber praktikasın açıqlau öçen möhim mömkinlek birä."
Washington bu tıñlaularğa 25 keşelek törkem cibärde. Anıñ belän Dävlät Departamentınıñ xoquq buyınça kiñäşçese John Bellinger citäkli. Ul yäşeren CİA oçışları turndağı ğäyeplävlärne qätği kire qaqtı. Bellinger meñärlägän şikle şäxes cäberläv maqsäte belän öçençe illärgä alıp barıldı digän ğäyeplävlär döreslekkä turı kilmi dip belderde. Läkin, BMOnıñ cäberläv buyınça mäxsus räsmise Manfred Novak ta Washington qayber şiklelärdän sorau alır öçen yäşeren urınnardan faydala dip ışanuın belderde.
"Qayber şöxeslärneñ AQŞ qulında buluı xaqında bezdä dälillär bar. Tik alarnıñ qayda buluın ber kem dä belmi. Bu inde yäşeren totu urınarı buluın ispat itä. Bu andıy şäxeslärneñ ezsez yuğalğan buluın kürsätä häm bu keşe xoquqların citdi räveştä bozu bulıp tora."
BMOsı komitetı tıñlaularnıñ nätiäcäsen 19-nçe Mayda iğlan itäçäk. Cäberlävgä qarşı komitetnıñ nindi dä bulsa ilne cazalandıru xoquqı bulmasa da, Ferstmannıñ süzlärençä, anıñ täqdimnäre ul illärne uñaysız xäldä qaldıra.
Färit İdelle, Praga.