Putinnıñ bıyılğı, inde 7nçe yullaması, ike süz belän äytkändä, ğailä häm armiägä bağışlandı diärgä bula. Döres, ber säğätlek çışıında ul tışqı säyäsätkä dä tuqtaldı, berniçä urınında Quşma Ştatlarğa törtterep aldı, İran mäsäläsenä qağılıp, Washingtonnı Tähranğa qarşı xärbi köç qullanmasqa öndäde:
"Bez dä atom qoralın taratmaw öçen. Ämmä köç qulanu bik siräk näticä birä, qayçaq näticäse yanawınnan da qurqınıç", di Rusiä prezidentı.
Yullamanıñ zur öleşe eçke mäsälälärgä bağışlandı. Rusiädä xalıq sanı kimüen – Putin iñ zur balä dip atadı. Anıñ süzlärençä Rusiä xalqı yıl sayın 700 meñgä kimi, şuşı xäläkätne tuqtatu öçen Putin bala tärbiälägän analarğa yärdämne arttırırğa çaqırdı:
"Xatın-qız ğailä qorğanda saylarğa mäcbür: bala tabıp eşen yuğaltırğamı, ällä baladan baş tartırğamı. Bu bik awır saylaw. İldä bala tudırunı arttıru öçen idarä, finans, sotsial çaralar kürelergä tieş", di Rusiä prezidentı.
Putin analarğa ay sayın berençe bala öçen meñ-yarım, ikençe bala öçen 3 meñ rubl yärdäm birergä täqdim itte.
Prezident yullamasında zur urın alğan ikençe mäsälä – ilneñ xärbi qüäten arttıru buldı. Putin armiäneñ zamana taläplärenä cawap birmäwen tanıdı, xärbi büdjetnıñ başqa illär belän çağıştırğanda keçkenäräk buluı äytte:
"Quşma Ştatlarnıñ xärbi büdjetı beznekennän 25 tapqır zurraq. Menä bu – alarnıñ yortı alarnıñ nığıtması dip atala, afärin alarğa. Bezgä dä üzebezneñ nıqlı yortnı tözergä kiräk" di Rusiä prezidentı.
Putin süzlärençä, Rusiägä beryulı berniçä cirle konfliktnı xäl itä alırlıq, çit illärneñ säyäsi basımına qarşı tora alırlıq köçle armiä kiräk:
"Bez tışqı agressiä, terror ğämälläre, Rusiägä basım yasaw niätlärenä qarşı torırğa äzer bulırğa tieş. Turısın äytergä kiräk, armiäbez köçleräk bulğan sayın, bezgä basım yasaw teläkläre dä azraq bulaçaq" di Rusiä prezidentı.
İqtisad ölkäsenä tuqtalıp, Putin, tulaıym citeşterü külämen ike tapqır arttıru maqsatına ireşelmäsä dä, Rusiäneñ iqtisadi kürsätkeçäläre, şul isäptän, neft bäyäläre arqasında, yuğarı bulıp qala dide.
Tulayım citeşterüne ikegä tapqırlaw maqsatı da berniçä yıl elek quyılğan ide. Uzğan yılğı yullamağa kilgändä, İqtisad ministrı German Gref süzlärençä, ul da küp digändä 60-70 protsenqa ğına ütälgän.
Ürlär bilgeläw ber närsä, alarğa ireşü – ikençe. İxtimal şunı iskä alıptır, Putin, bıyılğı yullamasın aldağı yılğa ğına tügel, ä yaqın kiläçäk öçen dip atadı.
ali ğilmi
"Bez dä atom qoralın taratmaw öçen. Ämmä köç qulanu bik siräk näticä birä, qayçaq näticäse yanawınnan da qurqınıç", di Rusiä prezidentı.
Yullamanıñ zur öleşe eçke mäsälälärgä bağışlandı. Rusiädä xalıq sanı kimüen – Putin iñ zur balä dip atadı. Anıñ süzlärençä Rusiä xalqı yıl sayın 700 meñgä kimi, şuşı xäläkätne tuqtatu öçen Putin bala tärbiälägän analarğa yärdämne arttırırğa çaqırdı:
"Xatın-qız ğailä qorğanda saylarğa mäcbür: bala tabıp eşen yuğaltırğamı, ällä baladan baş tartırğamı. Bu bik awır saylaw. İldä bala tudırunı arttıru öçen idarä, finans, sotsial çaralar kürelergä tieş", di Rusiä prezidentı.
Putin analarğa ay sayın berençe bala öçen meñ-yarım, ikençe bala öçen 3 meñ rubl yärdäm birergä täqdim itte.
Prezident yullamasında zur urın alğan ikençe mäsälä – ilneñ xärbi qüäten arttıru buldı. Putin armiäneñ zamana taläplärenä cawap birmäwen tanıdı, xärbi büdjetnıñ başqa illär belän çağıştırğanda keçkenäräk buluı äytte:
"Quşma Ştatlarnıñ xärbi büdjetı beznekennän 25 tapqır zurraq. Menä bu – alarnıñ yortı alarnıñ nığıtması dip atala, afärin alarğa. Bezgä dä üzebezneñ nıqlı yortnı tözergä kiräk" di Rusiä prezidentı.
Putin süzlärençä, Rusiägä beryulı berniçä cirle konfliktnı xäl itä alırlıq, çit illärneñ säyäsi basımına qarşı tora alırlıq köçle armiä kiräk:
"Bez tışqı agressiä, terror ğämälläre, Rusiägä basım yasaw niätlärenä qarşı torırğa äzer bulırğa tieş. Turısın äytergä kiräk, armiäbez köçleräk bulğan sayın, bezgä basım yasaw teläkläre dä azraq bulaçaq" di Rusiä prezidentı.
İqtisad ölkäsenä tuqtalıp, Putin, tulaıym citeşterü külämen ike tapqır arttıru maqsatına ireşelmäsä dä, Rusiäneñ iqtisadi kürsätkeçäläre, şul isäptän, neft bäyäläre arqasında, yuğarı bulıp qala dide.
Tulayım citeşterüne ikegä tapqırlaw maqsatı da berniçä yıl elek quyılğan ide. Uzğan yılğı yullamağa kilgändä, İqtisad ministrı German Gref süzlärençä, ul da küp digändä 60-70 protsenqa ğına ütälgän.
Ürlär bilgeläw ber närsä, alarğa ireşü – ikençe. İxtimal şunı iskä alıptır, Putin, bıyılğı yullamasın aldağı yılğa ğına tügel, ä yaqın kiläçäk öçen dip atadı.
ali ğilmi