Accessibility links

Кайнар хәбәр

Qazan Aq barsnı danladı


Aq bars – çempion Menä şuşı ike süz yañğırıy, qolaqlarda da, küñellärdä dä. Xokkey bäyräme çınnan da, kötelgänçä, zurlap ütkärelde. Uzğan yıldağı qazannıñ meñellığı bäyrämendä kiçergän ğorurlıq xisläre qayttı diärgä bula. Bu bäyräm turında düşämbe könne täfsille xäbär birerbez. Tatneft' arena boz sarayı tiräsendäge maşinalar häm keşelär qaynawı yıraqtan kürenep tordı. Büläklär tapşırğanda xokkey komandasınıñ ostazı Zinnätulla Biläletdinov sport klub prezidentı Şäfäğät Taxautdinov, iñ yaxşı uyınçılar belän berrättän Tatarstan prezidentına räxmät häm zurlaw süzläre äytelde. Ataqlı xokkeyçılar Tret'yak, Fetisov xäzer şuşı sportnıñ citäkçeläre, Tatarstanda xokkeyğa iğtibar zur buluın äyttelär. Kiläçäktä tağın da bik küp sport mäydannarı tözeläçäk ikän. Uyınçılar belän bergä xokkey buyınça Rusiä çempionı medalenä layıq bulğan Mintimer Şäymiev bolay dide

Xörmätle watandaşlar! Altın medal'lär, zur büläklärgä layıq buldıq! Artqa yul yuq! Bez bu däräcäne yuğaltmasqa tieş. Aq Bars - çempion! Ä dimäk bez dä barı tik alda!

Bäyräm boz sarayınnan Kreml' astındağı Yärminkä mäydanına häm Piramida üzägenä küçte. Bu tamaşa irtängä qädär tämamlanmas kebek. Aq bars – çempion!

Rimzil Wäli

XS
SM
MD
LG