Zimbavwe häm Belarus prezidentları Robert Magube belän Aleksandr Lukaşenkoğa Yewropa Berlegenä kerü tıyılğan. Äxmädinicat qarata isä mondıy tıyu älegä dä yuq.
Yewropa Parlamentı deputatları xäzerge waqıtta Yewropa Berlegendä citäkçelekne alıp baruçı Austriägä, barlıq 25 äğza ilgä, Xalıqara Futbol berläşmäläre federatsiäse FİFAğa yullanğan açıq xatta İrannıñ Yewropa Berlege qimmätlärennän ni qädär yıraq kitüen assızıqlarğa teli.
Yewropa parlamentınıñ keşe xoquqları komitetı räis urınbasarı Charles Tannock xatnıñ töp maqsatı Äxmädinicatnıñ qaraşlarına Berlektä çıdamlıq kürsätelmäwen citkerü di.
"Bu İranğa bik köçle işarä bulır häm anıñ prezidentınıñ bezneñ cirgä yaqın kilmäskä tieşlegen, anıñ kebek keşelärneñ dönya buylap näfrät taratıp häm bez Yewropa Berlegendä bik nıq qarşı torğan küp kenä şundıy närsälär taratıp yörüen telämäwebezne citkerer dip ömetlänäbez" dide Tannock.
Xatta Äxmädinicatnıñ qabul itelmäslek ğämälläre dä sanala. Berençe çiratta anıñ İzrailne xaritadan yuq itärgä çaqıruı häm holokostnı tanımawı. Xatnı imzalağan deputatları barısı da üzlären İzrail''neñ dustı dip atıy. Älege törkemneñ oyıştıruçısı çex deputatı Jana Hybaskova Yewropa Parlamentınıñ İzrail'' belän mönäsäbätlär öçen cawaplı wäkilläre citäkçese.
Xatta Äxmädinicatnıñ şähitlekne zurlawına da borçılu belderelä. Şähitlek Könbatış sivilizatsiäsenä turıdan turı qurqınıç tudıra dielä.
Yewropanıñ qarşı buluına qaramastan Tährannıñ uran bayıtunı däwam itüe, İranda keşe xoquqlarınıñ bik naçar xäldä buluı da telgä alına.
Xatnı imzalawçılar İran belän atom söyläşlären däwam itärgä teläwçe Yewropa Berlege citäkçelegeneñ bu çaqıruğa iärmäskä mömkinlegen tanıdılar. Şulay da Hybaskova xattnı imzalawçılar hiçyuğı Yewropa Berlegeneñ Äxmädinicat qaraşların açıqça kire qağuın teli dide.
"Niätebez ägär dä ul dönya çempionatına kilsä dä, anıñ monda qabul itelä torğan keşe bulmawın, häm anıñ Yewropağa kilüe anıñ säyäsäte belän kileşüne añlatmawın açıq itep äytü" dide Hybaskova.
Xalıqara qağidälär nigezendä dönya futbol çempionatında üz futbol törkemnäre belän qantaşuçı barlıq illärneñ citäkçeläre üzennän üze bu uyınnarda qatnaşu xoquqına iä. Xatnı imzalawçılar isä FİFA da Yewropa Berlege dä keşe xoquqların bozuçı häm başqa illärgä qarata köç qullanuğa öndäwçe illärgä qarşı çaralar kürergä tieş di.
Ämma Äxmädinicat Yewropa Berlege anı qabul itmäwen beldermägän oçraqta Germaniägä futbol qararğa kilmäs kebek. Jana Hybakova äytüençä İrannıñ Brüssel''däge ilçege telefon şıltıratıp Äxmädinicatnıñ däwlät eşläre belän bik nıq mäşğül buluın, bernindi uyınnar qararğa da waqıtı bulmawın beldergän.
Naif Aqmal, Praga.
Yewropa Parlamentı deputatları xäzerge waqıtta Yewropa Berlegendä citäkçelekne alıp baruçı Austriägä, barlıq 25 äğza ilgä, Xalıqara Futbol berläşmäläre federatsiäse FİFAğa yullanğan açıq xatta İrannıñ Yewropa Berlege qimmätlärennän ni qädär yıraq kitüen assızıqlarğa teli.
Yewropa parlamentınıñ keşe xoquqları komitetı räis urınbasarı Charles Tannock xatnıñ töp maqsatı Äxmädinicatnıñ qaraşlarına Berlektä çıdamlıq kürsätelmäwen citkerü di.
"Bu İranğa bik köçle işarä bulır häm anıñ prezidentınıñ bezneñ cirgä yaqın kilmäskä tieşlegen, anıñ kebek keşelärneñ dönya buylap näfrät taratıp häm bez Yewropa Berlegendä bik nıq qarşı torğan küp kenä şundıy närsälär taratıp yörüen telämäwebezne citkerer dip ömetlänäbez" dide Tannock.
Xatta Äxmädinicatnıñ qabul itelmäslek ğämälläre dä sanala. Berençe çiratta anıñ İzrailne xaritadan yuq itärgä çaqıruı häm holokostnı tanımawı. Xatnı imzalağan deputatları barısı da üzlären İzrail''neñ dustı dip atıy. Älege törkemneñ oyıştıruçısı çex deputatı Jana Hybaskova Yewropa Parlamentınıñ İzrail'' belän mönäsäbätlär öçen cawaplı wäkilläre citäkçese.
Xatta Äxmädinicatnıñ şähitlekne zurlawına da borçılu belderelä. Şähitlek Könbatış sivilizatsiäsenä turıdan turı qurqınıç tudıra dielä.
Yewropanıñ qarşı buluına qaramastan Tährannıñ uran bayıtunı däwam itüe, İranda keşe xoquqlarınıñ bik naçar xäldä buluı da telgä alına.
Xatnı imzalawçılar İran belän atom söyläşlären däwam itärgä teläwçe Yewropa Berlege citäkçelegeneñ bu çaqıruğa iärmäskä mömkinlegen tanıdılar. Şulay da Hybaskova xattnı imzalawçılar hiçyuğı Yewropa Berlegeneñ Äxmädinicat qaraşların açıqça kire qağuın teli dide.
"Niätebez ägär dä ul dönya çempionatına kilsä dä, anıñ monda qabul itelä torğan keşe bulmawın, häm anıñ Yewropağa kilüe anıñ säyäsäte belän kileşüne añlatmawın açıq itep äytü" dide Hybaskova.
Xalıqara qağidälär nigezendä dönya futbol çempionatında üz futbol törkemnäre belän qantaşuçı barlıq illärneñ citäkçeläre üzennän üze bu uyınnarda qatnaşu xoquqına iä. Xatnı imzalawçılar isä FİFA da Yewropa Berlege dä keşe xoquqların bozuçı häm başqa illärgä qarata köç qullanuğa öndäwçe illärgä qarşı çaralar kürergä tieş di.
Ämma Äxmädinicat Yewropa Berlege anı qabul itmäwen beldermägän oçraqta Germaniägä futbol qararğa kilmäs kebek. Jana Hybakova äytüençä İrannıñ Brüssel''däge ilçege telefon şıltıratıp Äxmädinicatnıñ däwlät eşläre belän bik nıq mäşğül buluın, bernindi uyınnar qararğa da waqıtı bulmawın beldergän.
Naif Aqmal, Praga.