Montenegro bäysezlek iğlan itkännän soñ 2 kön ütkäç, bügen Serbiä parlamentı Montenegro belän berlekne beterü turında qarar çığardı.
Palrament äğzaları Serbiäneñ üzen bäysez dip iğlan itte, häm Serbiä belän Montenegro berlegeneñ statusınıñ, şul isäptän Berläşkän Millätlär Oyışması kebek xalıqara oyışmalardağı urınnarnıñ xäzer barı tik Belgradqa ğına qarawın belderde.
Parlament binasındağı Federatsiä äläme dä Serbiä älämenä almaştırıla.
Bügennän başlap Serbiä soldatları Montenegrodan çığarıla, häm Serbiädä xezmät itüçe montenegrolılar üz illärenä qaytıp ilneñ oyıştırılaçaq üz xärbi köçlärendä xezmät itärgät tieş.
Şunıñ belän Yugoslaviäneñ 15 yıl däwam itkän taraluı tämamlana. Bosniä, Xorvatiä, Makedoniä häm Sloveniä Yugoslaviädän 1990-nçı yıllarda uq çıqqan ide.
