Ğiraqlılar häm AQŞ citäkçelegendäge koalitsiä äğzaları Ğiraqtağı äl-Qaidä citäkçese äbü-Musab äz-Zärqäwineñ üterelüen terrorçılıqqa qarşı suğışta zur ciñü dip xuplaw belderä.
Şul uq waqıtta könbatış citäkçeläre Zärqäwineñ üleme Ğiraqta köç qullanunıñ tiz genä betüen añlatmıy di.
Taliban citäkçese Möxämmät Ğömär mullanıñ belderüe dip atalğan belderüdä Zärqäwineñ üleme Ğiraq belän Äfğänstanda täre köçlärenä qarşılıqnı köçsezländermiäçäk dielä.
Belderüdä Ğömär häm Äfğänstandağı barlıq möselmannar öçen Zärqäwineñ üleme qayğı dielä.
Şul uq waqıtta anda Zärqäwi üzeneñ maqsatlarına ireşte häm meñnärçä keşe anıñ urının alırğa äzer dielä.
Äfğänstanda äl-Qaidäneñ küptänge berektäşe bulğan Taliban xakimiäte AQŞ citäkçegelendäge koalitsiä tarafınnan bärep töşerelgännän soñ Taliban başlığı Ğömär qaçqınlıqqa kitte.
