George Bush belän Texas ştatında çaqta uq bergä eşlägän Karen Hughes xäzer Washingtonda däwlät sekretareneñ xalıq diplomatiäse ölkäsendä yärdämçese wazifasın başqara häm nigezdä Quşma Ştatlarnıñ çit illärdäge, bigräk tä möselman dönyasında abruyın yaxşırtu öçen cawaplı. Üzeneñ şuşı wazifasın sürätläp ul bolay dide:
"Min üzemneñ eşemne, ğadiläşterep äytkändä, Amerikanıñ dönya belän söyläşüe dip atar idem. Qayçaq bezne azraq tıñlawda, kübräk söyläwdä ğäyeplilär ide. Xäzer bez kübräk başqalarnı tıñlawğa, alar belän äñgämä qoruğa basım yasıybız" di Karen Hughes.
Hughes äytüençä, üzeneñ wazifasında ul 3 töp maqsat kürä: Amerikanıñ ireklek, keşe xoquqları, tigezlekkä nigezlängän uñay qimmätlären dönyağa taratu; terrorçıl häm ekstremistik qaraşlarnı faş itep, alar belän köräşü; Amerikanıñ başqa illär, başqa xalıqlar, başqa mädäniätlär belän bik küp urtaqlıqlar buluın añlatu.
Şuşı eşçänlektä din belän bäyle çeterekle mäsälälär nindi urın alıp tora digän sorawğa Karen Hughes:
"Bik möxim urın alıp tora. 11 sintäber höcümennän soñ min prezidentqa mäçetkä barırğa kiñäş itkän keşelärneñ berse idem. Bez monıñ belän şunı äytergä telädek: Amerikada bik küp möselmannar üzläreneñ Amerikan watandaşı buluları belän ğorurlanıp yäşi, İslam dine belän bu dinne üz ğämällären aqlaw öçen qullanğan terrorçı-ekstremistlar arasında ber urtaqlıq da yuq" di däwlät sekretare yärdämçese.
Karen Hughes Amerikada 6-7 million möselman buluın häm alar belän başqa il möselmannarı arasında küper buldıru kiräklegen häm şuşı maqsat belän amerikan möselmannarı törkemnären başqa illärgä cibärü niätläre turında xäbär itte.
Üzäk Aziädäge kebek ireklek qıtlığı kiçergän, ämmä şul uq waqıtta terrorğa qarşı köräştä tarafdar sanalğan illär belän eş itkändä şuşı qarşılıqnı niçek xäl itäsez digän sorawğa Karen Hughes, bu mäsäläneñ ike yağı bar dide. Ber yaqtan Bush administratsiäse terrorğa qarşı köräşkän härkem belän xezmättäşlek itergä tırışa, küzläw mäglümäte belän alışu bulsınmı, başqa törle xezmättäşlekme. Berük waqıtta bez tege yä bu ildä keşe xoquqları torışı turında da qıçqırıp äytäbez, di Karen Hughes:
"Misal öçen küptän tügel Rusiädä bäysez mäglümät çarası yabılğaç, bez moña qarşı çıqtıq" di däwlät sekretare yärdämçese.
Azatlıq/İrekle Yewropa radiosınıñ 28 ilgä, şul isäptän 18 möselman ilenä tapşırular äzerläwen iskä alıp, Karen Hughes xalıqqa xaqiqät, tögäl, tikşerelgän mäglümät citkerüne ütä möxim eş dip atadı. Häm üzeneñ wazifasın da küpmeder däräcädä jurnalistlar eşe belän çağıştırdı: bez dä keşelärgä, xalqıqlarğa üzlärenä qarar qılırğa mömkinlek tudırırğa tırışıbız, dide Azatlıqqa säfäre waqıtında Quşma Ştatlarnıñ däwlät sekretare yärdämçese Karen Hughes.
ali ğilmi
"Min üzemneñ eşemne, ğadiläşterep äytkändä, Amerikanıñ dönya belän söyläşüe dip atar idem. Qayçaq bezne azraq tıñlawda, kübräk söyläwdä ğäyeplilär ide. Xäzer bez kübräk başqalarnı tıñlawğa, alar belän äñgämä qoruğa basım yasıybız" di Karen Hughes.
Hughes äytüençä, üzeneñ wazifasında ul 3 töp maqsat kürä: Amerikanıñ ireklek, keşe xoquqları, tigezlekkä nigezlängän uñay qimmätlären dönyağa taratu; terrorçıl häm ekstremistik qaraşlarnı faş itep, alar belän köräşü; Amerikanıñ başqa illär, başqa xalıqlar, başqa mädäniätlär belän bik küp urtaqlıqlar buluın añlatu.
Şuşı eşçänlektä din belän bäyle çeterekle mäsälälär nindi urın alıp tora digän sorawğa Karen Hughes:
"Bik möxim urın alıp tora. 11 sintäber höcümennän soñ min prezidentqa mäçetkä barırğa kiñäş itkän keşelärneñ berse idem. Bez monıñ belän şunı äytergä telädek: Amerikada bik küp möselmannar üzläreneñ Amerikan watandaşı buluları belän ğorurlanıp yäşi, İslam dine belän bu dinne üz ğämällären aqlaw öçen qullanğan terrorçı-ekstremistlar arasında ber urtaqlıq da yuq" di däwlät sekretare yärdämçese.
Karen Hughes Amerikada 6-7 million möselman buluın häm alar belän başqa il möselmannarı arasında küper buldıru kiräklegen häm şuşı maqsat belän amerikan möselmannarı törkemnären başqa illärgä cibärü niätläre turında xäbär itte.
Üzäk Aziädäge kebek ireklek qıtlığı kiçergän, ämmä şul uq waqıtta terrorğa qarşı köräştä tarafdar sanalğan illär belän eş itkändä şuşı qarşılıqnı niçek xäl itäsez digän sorawğa Karen Hughes, bu mäsäläneñ ike yağı bar dide. Ber yaqtan Bush administratsiäse terrorğa qarşı köräşkän härkem belän xezmättäşlek itergä tırışa, küzläw mäglümäte belän alışu bulsınmı, başqa törle xezmättäşlekme. Berük waqıtta bez tege yä bu ildä keşe xoquqları torışı turında da qıçqırıp äytäbez, di Karen Hughes:
"Misal öçen küptän tügel Rusiädä bäysez mäglümät çarası yabılğaç, bez moña qarşı çıqtıq" di däwlät sekretare yärdämçese.
Azatlıq/İrekle Yewropa radiosınıñ 28 ilgä, şul isäptän 18 möselman ilenä tapşırular äzerläwen iskä alıp, Karen Hughes xalıqqa xaqiqät, tögäl, tikşerelgän mäglümät citkerüne ütä möxim eş dip atadı. Häm üzeneñ wazifasın da küpmeder däräcädä jurnalistlar eşe belän çağıştırdı: bez dä keşelärgä, xalqıqlarğa üzlärenä qarar qılırğa mömkinlek tudırırğa tırışıbız, dide Azatlıqqa säfäre waqıtında Quşma Ştatlarnıñ däwlät sekretare yärdämçese Karen Hughes.
ali ğilmi