Accessibility links

Кайнар хәбәр

Tatarstanğa neft salımnarına taşlama birelmäde


Küptän tügel Qazan Ratuşasında Rusiä Federatsiäsendä salım sisteması, neft'' satu itüdän birelergä tieşle salımnar, cir mayı produktlarına bäyälär turında zur söyläşü uzdı. Anda Federatsiäneñ byudjet komitetı äğzaları, federal'' xökümät wäkilläre, däwlät Duması deputatları, xökümät başlığı Röstäm Miñlexanov qatnaşa. Bez ul cıyılışta tulısı belän kemnär qatnaşqanın niçegräk barğanın söylärgä cıyınmıybız. Süzebez Tatarstan neftenä quyılğan salımnar turında bulır.

2002 yılda Rusiä citäkçeläre salım sistemasın tärtipkä kiterer öçen salım kodeksı eşläp şunı qabul itkän ide. Bu salım kodeksı Tatarstan kebek neft çığarıp satuçı respublikalar öçen şaqtıy ğına qıyınlıqlar tudıra. Ul da bulsa faydalı qazılmalardan faydalanuğa salım kertü. Tatarstannan Mäskäwgä bara torğan aqça ağımın bu bik nıq tizlätä, Qızıl kirpeçle kirmän eçendägelärneñ kesälären bik nıq qalınayta. Bu xaqta bezgä “Watanım Tatarstan” gazetası jurnalistı, neft sänäğäteneñ neçkäleklären öyrängän, “Tatneft''” turında kitap çığarğan - İlsöyär Xäyrullina misallar belän añlattı. Ul şulay uq Ratuşada uzğan cıyılışta äytelgännärne, üz fikerlären quşıp sallı ğına “Seberdä salım yal itä. Ä Tatarstanda?”- isemle yazma da bastırıp çığara.

Ä bezneñ Tatarstan neftçeläre Rusiäneñ salım kodeksı üzgärer. Cir mayı produktlarına salımnı nindi şartlarda tabıluına qarap bilgeläner digän ömettä yäşi birälär. Nihayät, şul ömetlärne işetepme şunda salım kodeksı üzgärü yağına borıla.

Şulay itterep Tatarstan üz cir mayı öçen elek küpme salım tüläsä xäzer dä şul külämne kütärergä mäcbür bulaçaq. Respublikağa monnan bernindi fayda qalmıy diärlek, çönki “Tatneft''” cibärgän salımnıñ 12-13% ğına kire Tatarstanğa äylänep qayta dip söyli neft belgeçläre.

Cir mayı belän eş itüçelärne yaqlawçılar bularaq, neft''läre talanğan töbäklärgä yärdäm yözennän Mäskäwdän federatsiä şurası çığa ikän. Qazan ratuşasında şul şuranıñ wäkile Svetlana Orlova cıyılışta qatnaşuçılarğa qatı-qatı ğına fikerlär äytep ala aluın. Läkin üzäktäge iqtisat ministrlığınnan kilgän äfändelär törle yullar belän bügenge köndä Rusiäneñ Tatarstan, Başqortstan kebek töbäklärgä taşlamalar yasarğa cıyınmawın töşenderep, neftçelärneñ xıyalların cilgä oçıra.

Röstäm İsxaqi

XS
SM
MD
LG