Ukrainada küplär inde küñellärendä genä bulsa da yaña saylawlarğa äzerlänä başlağan ide. Eş şunda ki, ägär dä xökümät öç ay eçendä qorılmıy ikän, prezident yaña tawış birüne iğlan itärgä tieş - qanun şulay di. Ämma pänceşämbedä Ukraina tınıç sulap quydı diärgä bula, "äflisun inqilabı"nıñ kürenekle ähele Yuliä Timoşenko ilneñ parlamentı - Yuğarı Radada, xökümät tözü turında barğan qatmarlı söyläşülärneñ nihayät uñışlı ğına tämamlanuın iğlan itte:
"Min zur ğorurlıq belän bar il öç ay buyı zarığıp kötkän xäbärne citkeräm, "Bezneñ Ukraina", Yuliä Timoşenko blogı häm Sotsialistlar partiäsennän torğan demokratik köçlärneñ berektäşlege tözelä", di Yuliä Timoşenko.
Şuşı yaña berektäşlekneñ 450 urınlı Yuğarı Radada 243 tawışı bulaçaq, xäzer inde oppozitsiägä küçäçäk Töbäklär partiäse häm kommunistlarda isä 207 bula. Mart saylawlarında iñ zur yaqlawnı näq menä Töbäklär partiäse qazanğan ide, ämma Rusiägä qarağan şuşı partiäneñ deputatlar sanı xökümät qoru öçen citärlek bulmadı häm ul Yuğarı Radadağı başqa köçlär belän dä berektäşlek qora almadı.
Andıy berektäşlekne qoru "äflisun"çılar öçen dä ber dä ciñel bulmadı. Alarnıñ yuğarı citäkçeläre arasında tirän şäxsi qarşılıqlar, ber-beren önämäw yäşäp kilä. Andıy ışanmawçanlıq prezident Viktor Yuçenkonıñ xakimiatkä kilep 8 ay ütü belän premyer-ministr bulıp eşlägän Yuliä Timoşenkonı urınınnan aluınnan soñ tuğan ide. Ul çaqta Yuçenko Timoşenkonı çamadan tış xakimiatkä omtıluda ğäyepläde. Xäzer inde ul bu tänqiten tuqtatırğa mäcbür - Yuliä Timoşenko blogı saylawlarda ikençe kilgän ide häm xäzerge waqıtta ul yaña berektäşlekneñ töp köçen täşkil itä.
Üze öçen şuşı tantanalı mizgeldän faydalanıp Timoşenko pänceşämbedä Yuğarı Radada yasağan çığışında Mäskäw yaqlı Töbäklär partiäsen dä tertterep aldı. Viktor Yanukoviçneñ şul partiäse "äflisunçılar" arasındağı qarşılıqlardan faydalanırğa tırışıp qarağan ide:
"Sez "äflisun inqilabınıñ" "banditlar törmädä utırırğa tieş" digän şiğaren "banditlar ministr bulırğa tieş" digänenä almaştırırğa telägän idegez. Andıy närsä bulmayaçaq, xörmätle wä ğizzätle duslarım", di Yuliä Timoşenko, elekke yıllarda cinayät qıluda ğäyeplängän Yanukoviçneñ bu yulı da xakimiatkä kilä almawına quanıp.
"Äflisunçılar" arasında kileşügä ireşü öçen töp kirtä bulıp prezident Yuçenkonıñ Yuğarı Rada räise känäfienä üzeneñ iñ yaqın berektäşe Petro Poroşenkonı täqdim itüe tordı. Poroşenko Yuliä Timoşenkonı açıqtan-açıq häm ber dä qıyınsınmıw tänqitläwçe keşe ide.
Kärim Kamal
"Min zur ğorurlıq belän bar il öç ay buyı zarığıp kötkän xäbärne citkeräm, "Bezneñ Ukraina", Yuliä Timoşenko blogı häm Sotsialistlar partiäsennän torğan demokratik köçlärneñ berektäşlege tözelä", di Yuliä Timoşenko.
Şuşı yaña berektäşlekneñ 450 urınlı Yuğarı Radada 243 tawışı bulaçaq, xäzer inde oppozitsiägä küçäçäk Töbäklär partiäse häm kommunistlarda isä 207 bula. Mart saylawlarında iñ zur yaqlawnı näq menä Töbäklär partiäse qazanğan ide, ämma Rusiägä qarağan şuşı partiäneñ deputatlar sanı xökümät qoru öçen citärlek bulmadı häm ul Yuğarı Radadağı başqa köçlär belän dä berektäşlek qora almadı.
Andıy berektäşlekne qoru "äflisun"çılar öçen dä ber dä ciñel bulmadı. Alarnıñ yuğarı citäkçeläre arasında tirän şäxsi qarşılıqlar, ber-beren önämäw yäşäp kilä. Andıy ışanmawçanlıq prezident Viktor Yuçenkonıñ xakimiatkä kilep 8 ay ütü belän premyer-ministr bulıp eşlägän Yuliä Timoşenkonı urınınnan aluınnan soñ tuğan ide. Ul çaqta Yuçenko Timoşenkonı çamadan tış xakimiatkä omtıluda ğäyepläde. Xäzer inde ul bu tänqiten tuqtatırğa mäcbür - Yuliä Timoşenko blogı saylawlarda ikençe kilgän ide häm xäzerge waqıtta ul yaña berektäşlekneñ töp köçen täşkil itä.
Üze öçen şuşı tantanalı mizgeldän faydalanıp Timoşenko pänceşämbedä Yuğarı Radada yasağan çığışında Mäskäw yaqlı Töbäklär partiäsen dä tertterep aldı. Viktor Yanukoviçneñ şul partiäse "äflisunçılar" arasındağı qarşılıqlardan faydalanırğa tırışıp qarağan ide:
"Sez "äflisun inqilabınıñ" "banditlar törmädä utırırğa tieş" digän şiğaren "banditlar ministr bulırğa tieş" digänenä almaştırırğa telägän idegez. Andıy närsä bulmayaçaq, xörmätle wä ğizzätle duslarım", di Yuliä Timoşenko, elekke yıllarda cinayät qıluda ğäyeplängän Yanukoviçneñ bu yulı da xakimiatkä kilä almawına quanıp.
"Äflisunçılar" arasında kileşügä ireşü öçen töp kirtä bulıp prezident Yuçenkonıñ Yuğarı Rada räise känäfienä üzeneñ iñ yaqın berektäşe Petro Poroşenkonı täqdim itüe tordı. Poroşenko Yuliä Timoşenkonı açıqtan-açıq häm ber dä qıyınsınmıw tänqitläwçe keşe ide.
Kärim Kamal