Atnakiç könne Ukrainanıñ 3 firqäse yaña "äflisün xökümäte" tözergä kileşkännän soñ, şuşı xökümätne citäklär dip kötelgän Yuliä Timoşenko Rusiä belän 5 ay elek tözelgän bäxäsle gaz kileşüen centekläp tikşerü niäten belderde:
"Ukrainanıñ bar gaz kileşülären centekläp tikşerergä kiräk. Şunnan soñ bez Rusiä, Törkmänstan, Üzbäkstan, Qazaxstan belän dustanä nigezdä yaña kileşülär tözergä tieşbez" di Yuliä Timoşenko.
Rusiä belän soñğı gaz kileşüen Ukraina ğinwar ayında tözede. Ul çaqta berençe "äflisün xökümäte" inde taralğan, Yulia Timoşenko premier wazifasınnan çitlätelgän ide. Salqın qış urtasında küpmeder waqıt gazsız utırğannan soñ Kiev Mäskäw quyğan bäyägä rizalaşırğa mäcbür buldı. Radanıñ fatixasın sorap tormıyça Yexanurov xökümäte meñ kubometrnı 95 dollarğa satıp alu turında kileşü imzaladı.
Gaz bäyäseneñ 2 tapqır artuı deputatlar häm eşquarlarınıñ açuın çığardı. Citmäsä Gazprom, bäyä tağı da üsergä mömkin dip kisätte. Törkmänstan üz bäyäsen kütärgän oçraqta. Gazprom Ukrainağa satqan gaznıñ zur öleşe Törkmänstannan kilä.
Timoşenkonıñ bäyälärne qabat küzdän kiçerü niätenä Gazprom şunduq cawap qaytardı:
"Timoşenkonıñ belderüe bezdä borçu uyattı. Bu Europa möştäriläre öçen dä borçulı xäbär. Çönki ul kileşülär arasında tranzit kileşüe da bar. Bu niätlär ğämälgä quıylsa, yaña krizis tuaçaq. Timoşenkonıñ süzläre Ukrainanıñ Rusiä gazın Eropağa satuda zäğif urın buluın kürsätte" di Gazprom süzçese Sergei Kuprianov.
Ukraina Rusiägä gaz öçen tülägän bäyädä Gazprom Ukraina torbaların qullanğan öçen tranzit bäyäse dä iskä alınğan.
Ukrainadan kilgän xäbärlärgä qarağanda bäyälärne kire qaraw niäten Kievta küplär xuplıy. Kievtağı Razumkov isemendäge İqtisadi häm säyäsi tikşerenülär üzäge belgeçe Yuri Yaqımenko:
"Ukraina säyäsätçelärendä bu kileşülärdä barısı da tärtiptä tügel digän fiker bar. Bu fikerne könbatış partnerları da urtaqlaşa. Näticäse nindi bulır äytüe qıyın, ämmä kire qaraw tırışlıı bulırğa oşağan" di Yuri Yaqımenko.
Kileşülärne küzdän kiçerü tırışlıqları bulırmı, bulsa, alar Ukraina belän Rusiä arasında yaña gaz suğışına kitererme, älegä äytüe qıyın.
Kileşügä ireşelgänçe, Gazprom – Ukraina Könbatış tülägän bäyäne tülärgä tieş dip kilde. Yağni ber kubometrğa 190-220 dollar çaması.
Atnakiç könne Gazprom Uktraina kürşese Moldova öçen dä gaz bäyäsen 110 dollardan 160qa kütärü niäten belderde.
ali ğilmi
"Ukrainanıñ bar gaz kileşülären centekläp tikşerergä kiräk. Şunnan soñ bez Rusiä, Törkmänstan, Üzbäkstan, Qazaxstan belän dustanä nigezdä yaña kileşülär tözergä tieşbez" di Yuliä Timoşenko.
Rusiä belän soñğı gaz kileşüen Ukraina ğinwar ayında tözede. Ul çaqta berençe "äflisün xökümäte" inde taralğan, Yulia Timoşenko premier wazifasınnan çitlätelgän ide. Salqın qış urtasında küpmeder waqıt gazsız utırğannan soñ Kiev Mäskäw quyğan bäyägä rizalaşırğa mäcbür buldı. Radanıñ fatixasın sorap tormıyça Yexanurov xökümäte meñ kubometrnı 95 dollarğa satıp alu turında kileşü imzaladı.
Gaz bäyäseneñ 2 tapqır artuı deputatlar häm eşquarlarınıñ açuın çığardı. Citmäsä Gazprom, bäyä tağı da üsergä mömkin dip kisätte. Törkmänstan üz bäyäsen kütärgän oçraqta. Gazprom Ukrainağa satqan gaznıñ zur öleşe Törkmänstannan kilä.
Timoşenkonıñ bäyälärne qabat küzdän kiçerü niätenä Gazprom şunduq cawap qaytardı:
"Timoşenkonıñ belderüe bezdä borçu uyattı. Bu Europa möştäriläre öçen dä borçulı xäbär. Çönki ul kileşülär arasında tranzit kileşüe da bar. Bu niätlär ğämälgä quıylsa, yaña krizis tuaçaq. Timoşenkonıñ süzläre Ukrainanıñ Rusiä gazın Eropağa satuda zäğif urın buluın kürsätte" di Gazprom süzçese Sergei Kuprianov.
Ukraina Rusiägä gaz öçen tülägän bäyädä Gazprom Ukraina torbaların qullanğan öçen tranzit bäyäse dä iskä alınğan.
Ukrainadan kilgän xäbärlärgä qarağanda bäyälärne kire qaraw niäten Kievta küplär xuplıy. Kievtağı Razumkov isemendäge İqtisadi häm säyäsi tikşerenülär üzäge belgeçe Yuri Yaqımenko:
"Ukraina säyäsätçelärendä bu kileşülärdä barısı da tärtiptä tügel digän fiker bar. Bu fikerne könbatış partnerları da urtaqlaşa. Näticäse nindi bulır äytüe qıyın, ämmä kire qaraw tırışlıı bulırğa oşağan" di Yuri Yaqımenko.
Kileşülärne küzdän kiçerü tırışlıqları bulırmı, bulsa, alar Ukraina belän Rusiä arasında yaña gaz suğışına kitererme, älegä äytüe qıyın.
Kileşügä ireşelgänçe, Gazprom – Ukraina Könbatış tülägän bäyäne tülärgä tieş dip kilde. Yağni ber kubometrğa 190-220 dollar çaması.
Atnakiç könne Gazprom Uktraina kürşese Moldova öçen dä gaz bäyäsen 110 dollardan 160qa kütärü niäten belderde.
ali ğilmi