Ufada comğa könne tağın ber ör-yaña mäçet açu tantanası ütte. Yaña - 21 ğasırğa ayaq basqaç Ufada tözelgän berençe mäçet äle bu. Törle töstäge kirpeçlärdän salınğan ike manaralı mähäbät Xoday yortı bu yulı başqalanıñ Sipaylowo bistäsendä qalqıp çıqtı. Üze ber şähär zurlığındağı bu mikrorayonda älegä ber genä mäçet tä yuq ide. Ä tatarlar häm başqortlar, başqa möselman qardäşlär bik küp yäşi anda.
Mäçetneñ iseme dä bar inde. “Xämzä” dip atala ul. İsemendä bernindi ğäcäpläner urın da yuq. Mäçetne tözetüçe keşe – bilgele eşquar häm xäzrät Xämzä xaci Ğallämov. Küptän tügel 75 yäşlek yübileyen bilgelägän ide ul. İñ qızığı şunda – Xämzä Ğallämov ğömere buyı sänğät yünäleşendäge hönärlär iäse bula. Sqülptor, rässam ostalığı buyınça eşli. Berara muzıyka mäktäbe direktorı wazıyfaların başqara. Annan soñ Başqortstan mädäniät ministrlığında da cawaplı eştä bula.
Layıqlı yalğa çıqqaç, Xämzä Ğallämov eşquarlıq eşenä totına. Üze fatir alğan Sipaylowo bistäsendä mäçet bulmaw eçen poşıra anıñ. Şunnan üzenä maqsat quya – biredä bik matur mäçet tözergä. Bu mäçetneñ nigez taşın salğannan birle sigez yıl ütep kitkän. Häm menä bügen anı faydalanuğa tapşıru tantanası. Älege bäyrämgä Ufa xalqı ğına tügel, ä Xämzä xäzrätneñ tuğan yağı – Beloret rayonı wäkilläre dä, başqa rayonnardan häm şähärlärdän dä anıñ dusları, din ähelläre kilde.
Tantana başlanır aldınnan, Xämzä xäzrät “Azatlıq” radiosına da yaña mäçetneñ eşçänlege häm kiläçäkkä uy-niätlär xaqında söyläp aldı.
Xämzä – Bügen bik nıq şatlanam min. Keşelärneñ şatlanuı öçen dä şatlanam. Miña kilep küpme keşelär räxmät äytä. Bezneñ mäçetneñ kiläçäge zur. Biredäge mädräsädä uzğan uqu yılında uq ällä küpme ölkän buın keşeläre belem aldı. Bıyıl öç törkemgä tuplıybız. Qızlarnı, malaylarnı häm ölkän buın keşelären.
Şulay itep Ufada tağın ber mäçet östälde. Älegä qädär ber genä mäçete dä bulmağan yaña bistädä – Sipaylowo mikrorayonında açılğan bu mäçetkä xalıqnıñ küp yöriäçäge bügennän ük mäğlüm. Anıñ mädräsäse dä, ğäräp telen öyrätü qursları da eşläyäçäk. Alarğa distälärçä keşedän ğärizälar qabul itelgän dä inde.
Mäçetneñ iseme dä bar inde. “Xämzä” dip atala ul. İsemendä bernindi ğäcäpläner urın da yuq. Mäçetne tözetüçe keşe – bilgele eşquar häm xäzrät Xämzä xaci Ğallämov. Küptän tügel 75 yäşlek yübileyen bilgelägän ide ul. İñ qızığı şunda – Xämzä Ğallämov ğömere buyı sänğät yünäleşendäge hönärlär iäse bula. Sqülptor, rässam ostalığı buyınça eşli. Berara muzıyka mäktäbe direktorı wazıyfaların başqara. Annan soñ Başqortstan mädäniät ministrlığında da cawaplı eştä bula.
Layıqlı yalğa çıqqaç, Xämzä Ğallämov eşquarlıq eşenä totına. Üze fatir alğan Sipaylowo bistäsendä mäçet bulmaw eçen poşıra anıñ. Şunnan üzenä maqsat quya – biredä bik matur mäçet tözergä. Bu mäçetneñ nigez taşın salğannan birle sigez yıl ütep kitkän. Häm menä bügen anı faydalanuğa tapşıru tantanası. Älege bäyrämgä Ufa xalqı ğına tügel, ä Xämzä xäzrätneñ tuğan yağı – Beloret rayonı wäkilläre dä, başqa rayonnardan häm şähärlärdän dä anıñ dusları, din ähelläre kilde.
Tantana başlanır aldınnan, Xämzä xäzrät “Azatlıq” radiosına da yaña mäçetneñ eşçänlege häm kiläçäkkä uy-niätlär xaqında söyläp aldı.
Xämzä – Bügen bik nıq şatlanam min. Keşelärneñ şatlanuı öçen dä şatlanam. Miña kilep küpme keşelär räxmät äytä. Bezneñ mäçetneñ kiläçäge zur. Biredäge mädräsädä uzğan uqu yılında uq ällä küpme ölkän buın keşeläre belem aldı. Bıyıl öç törkemgä tuplıybız. Qızlarnı, malaylarnı häm ölkän buın keşelären.
Şulay itep Ufada tağın ber mäçet östälde. Älegä qädär ber genä mäçete dä bulmağan yaña bistädä – Sipaylowo mikrorayonında açılğan bu mäçetkä xalıqnıñ küp yöriäçäge bügennän ük mäğlüm. Anıñ mädräsäse dä, ğäräp telen öyrätü qursları da eşläyäçäk. Alarğa distälärçä keşedän ğärizälar qabul itelgän dä inde.
