Qäderle tıñlawcılar. 37 yıldan soñ sezgä şulay itep soñğı märtäbä möräcäğät itäm. Sezneñ belän efirda ğına bulsa da sawbullaşu çiten mizgel. Şäxeslär kilä-kitä. Läkin, missiä qala. Şuşı uñaydan sez xörmätle tıñlauçılarıbızğa da, räxmät belderäsem kilä. Sezneñ fikerläregez, sezneñ därtländerüegez häm älbättä, tänqitläregez bulmasa ide, bezneñ programmalarıbıznı yaxşırtu mömkinlege dä bulmas ide. Älbättä, här tıñlauçıbıznıñ telägen ğämälgä quya almıybız. Läkin, alarnıñ berse dä iğtibardan çittä qalmıy. Kiläçäktä dä bergäläp millätebezne, telebezne, ğöref-ğädätlärebezne, mädäniätebezne saqlap qalırğa tırışıyıq. Bergä bulğanda, bez köçle. Demokratiä, keşe xoquqları, keşe qimmäte, üzbilgelänü, üz yazmışıñnı üzeñ bilgeläw häm başqa töp xoquqlar öçen tırışqan Pragadağı redaksiä xezmätkärlärenä, Qazan bürosına häm barlıq xäbärçelärgä räxmät yawsın. Kiläçäktä dä bu izge eşne däwam ittersennär. Sez dä qäderle millättäşlär, tıñlawçılar, bezdän, Azatlıqtan ayırılmağız. Saw, isän bulığız.
Färit İdelle, Praga
Färit İdelle, Praga
