Rusiäneñ Däwlät Dumasında bertawıştan qabul itelgän şuşı belderü çınnan da bik açulı itep yazılğan, xörmätle tıñlawçılar. Anda xäzerge waqıtta Ğiraqta üz ğäskärlären totqan Quşma Ştatlarnı tänqitläw dä sizelä. Rusiäneñ 4 watandaşın şulay yawızlarça üterü uñayınnan Duma üzeneñ tirän näfräten belderä häm şul astırtın cinayätne qıluçılarnı kisken xökem itä. Şunnan soñ belderüdä, Rusiä keşelären urlaw häm üterü öleşçä, Ğiraqtağı krizisnıñ tiränäyüe, anı basıp alğan illärneñ wäzğiatne inde üz qulında tota almawı arqasında da buldı, terror wä köç qullanu Ğiraqtağı köndälek tormışnıñ ber öleşenä äylände, dielä.
Fiker alışularda çığış yasağan İgor Barinov, Dumanıñ tışqı eşlär komitetı äğzası, Ğiraqtağı könbatış köçlären açıqtan-açıq ğäyepläp çıqtı:
"Cawaplılıqnı üterüçelär belän bergä ilne basıp alğan ğäskärlär dä urtaqlaşırğa tieş. Alar anda küpläp yuq itü qoralların da taba almadı, xäzer dä alar Ğiraqtağı wäzğiatne kontrol''dä tota almıy - bezneñ diplomatlar ilçelektän 400 metr kitü belän urlanıp üterelde", dip ğäyepli çit il, berençe çiratta amerikan ğäskärlären Ğiraqta tärtip urnaştıra almawda Duma deputatı İgor Barinov.
Rusiä Däwlät Duması räiseneñ berençe urınbasarı Oleg Morozov ta yaqınça şundıyraq xislär belderä, utırıştan soñ ul bolay dide:
"Ğiraqnıñ sotsial'', iqtisadi wä säyäsi krizis kiçerüe kön kebek açıq. Berkem dä imin tügel, xakimiat yardämsez utıra, ä inde basıp alğan köçlär ni üzläreneñ, ni çit il keşeläreneñ iminlegen tä''min itä almıy", di Oleg Morozov.
Älege mäs''äläneñ Däwlät Dumasında qaraluınnan tış Rusiä Berläşkän Millätlärneñ İminlek Şurasında da üz watandaşların üterüne xökem itkän qarar ölgese äzerlägän ide. Ämma anıñ eçtälege Dumanıqına qarağanda tınıçraq bulır tösle - Rusiäneñ Şuradağı daimi wäkile Konstantin Dolgov süzlärenä qarağanda, anda Ğiraqtağı çit il ğäskärläre cawaplılığına işarälär bulmayaçaq. Mäskäw, İminlek Şurası bu qararnı atnakiç tikşerer dip ömetlänä.
Kärim Kamal
Fiker alışularda çığış yasağan İgor Barinov, Dumanıñ tışqı eşlär komitetı äğzası, Ğiraqtağı könbatış köçlären açıqtan-açıq ğäyepläp çıqtı:
"Cawaplılıqnı üterüçelär belän bergä ilne basıp alğan ğäskärlär dä urtaqlaşırğa tieş. Alar anda küpläp yuq itü qoralların da taba almadı, xäzer dä alar Ğiraqtağı wäzğiatne kontrol''dä tota almıy - bezneñ diplomatlar ilçelektän 400 metr kitü belän urlanıp üterelde", dip ğäyepli çit il, berençe çiratta amerikan ğäskärlären Ğiraqta tärtip urnaştıra almawda Duma deputatı İgor Barinov.
Rusiä Däwlät Duması räiseneñ berençe urınbasarı Oleg Morozov ta yaqınça şundıyraq xislär belderä, utırıştan soñ ul bolay dide:
"Ğiraqnıñ sotsial'', iqtisadi wä säyäsi krizis kiçerüe kön kebek açıq. Berkem dä imin tügel, xakimiat yardämsez utıra, ä inde basıp alğan köçlär ni üzläreneñ, ni çit il keşeläreneñ iminlegen tä''min itä almıy", di Oleg Morozov.
Älege mäs''äläneñ Däwlät Dumasında qaraluınnan tış Rusiä Berläşkän Millätlärneñ İminlek Şurasında da üz watandaşların üterüne xökem itkän qarar ölgese äzerlägän ide. Ämma anıñ eçtälege Dumanıqına qarağanda tınıçraq bulır tösle - Rusiäneñ Şuradağı daimi wäkile Konstantin Dolgov süzlärenä qarağanda, anda Ğiraqtağı çit il ğäskärläre cawaplılığına işarälär bulmayaçaq. Mäskäw, İminlek Şurası bu qararnı atnakiç tikşerer dip ömetlänä.
Kärim Kamal