Accessibility links

Кайнар хәбәр

Açıq mikrofon: Rusiä säyäsäte ildäge millätlärne üsteräme ällä beteräme?


Rusiä prezidentı Vladimir Putin xalıq belän oçraşırğa yarata. Älbättä, bu oçraşular aldan uq oyıştırılğan bula. Böten räsmilärneke şulay. Prezident televidenie aşa da xalıq belän oçraşa. Saylap alınğan sorawlarğa cawap birä. İnde menä Putinnıñ yaña ber törle aralaşuı kötelä. Bu yulı ilbaşı internet qullanuçılarnıñ sorawlarına cawap biräçäk.

Älegä küp keşe menä nindi sorawlar belän qızıqsına ikän. Äytik, Putinnıñ Kreml' territoriäsendä Nikita isemle biş yäşlek malaynıñ eçen ni öçen übüe, ildä marixuananıñ legal'läşüe bulaçaqmı häm prezidentnıñ ğailä, şäxsi tormışı belän dä qızıqsınu şaqtıy zur. Kürengänçä, xalıqnı şaqtıy say, ähämiäte älläni zur bulmağan problemalar borçıy. Ä şul uq waqıtta çınlap ta aktual' häm möhim bulğannarı çittä qala. “Azatlıq” xalıqnıñ iğtibarın näq şundıy ber möhim mäs’älägä yünälderergä teläde. Rusiä säyäsäte ildäge millätlärne üsterü ällä beterü belän şöğellänäme?

Bu sorawğa cawap birüe bik çiten. Minemçä, Rusiä millätlärne beterä, ni öçen ikänlege añlaşılmıy.

Minemçä, Rusiädäge xäzerge säyäsät millätlärne beterä. Çönki bügenge köndä Rusiädä küp kenä tatar mäktäpläre yabıla häm alar kire açılmıy.

Üsterä, äybät kenä dip beläm.

Millät mäs’äläsenä kilgändä, Rusiädä berqayçan da millätlärne üsterü östendä eşlämädelär dä häm eşlämäyäçäklär dä. Äytik, pasport mäs’äläsen alsaq ta, anda millätne kürsätä torğan bitne alıp quydılar. Yarıy äle Tatarstan üzeneñ östämä biten kertte. Millät mäs’äläse bik qatlawlı häm çeterekle. Anı Rusiädä berär ministrlıq tözep, bu mäs’älägä bik nıq iğtibar itärgä kiräk.

Rusiäneñ säyäsäte tıştan yaltırıy, tıştan qaltırıy digän ğibärägä turı kilä. Çınnan da törle çaralar uzdırıla xalıqnı, millätne saqlap qalu öçen, läkin säyäsätneñ nigeze anda tügel.

Bezneñ millät bularaq saqlanışıbız, bezneñ telneñ, ğöref – ğädätlärneñ, ğomumän xalqıbıznıñ yäşäyeşe ul bezneñ üzebezdän tora. Bez üzebez tatar xalqınıñ şundıy belemle, mäğrifätle, bay tarixlı xalıq bulğanlığın onıtmasaq bezneñ xalqıbıznı berkem dä beterä almıy. Ä Rusiä säyäsätenä kilgändä ul böten millätlärgä dä ber tösle qarıy häm qaysı xalıq saqlana, qaysı yuğala ul xalıqnıñ üzennän genä tora.

Gölnaz Şäyxetdin

XS
SM
MD
LG