Tatar telen tiränten öyrätügä yunältelgän bu cäyläwek monnan 9 yıl elek oyışqan ide. Şul däwer eçendä anda 1600 tiräse tatar balası yal itte. Äytergä kiräk, yıldan-yıl älege lager'ğa kilergä tezläwçelär sanı arta tora. Rusiä töbäklärendäge tatar oyışmaları wäkilläre, tatar tele uqıtuçıları inde ğarizalarnı közdän ük birä başlıy. Tatarstan Mäğärif häm fän ministrlığınıñ uqıtu-metodik äsbaplar häm töbäkara xezmättäşlek itü bülege başlığı Änisä Morozova
Bıyıl cäyläwektä 190 bala yal itä. Alar 18 töbäktän kilgännär. Bıyılğı balalar üseşe küzgä taşlana. 1998 yılda kilgän balalarnıñ tatar tele belüe, hönärläreneñ kürsätüe dä tübän ide.
Cäyläwekkä balalarnı saylap alu öçen Tatarstan mäğärif häm fän ministrlığı töbäktäge mäğärif idärälärenä, tatar moxtäriätlärenä xatlar cibärä. Häm anda balalarnı tuplana. Bıyıl iñ zur delegatsiälär Ul'yannan 16, Sarıtawdan 14 bala bulğan. Qalğannarınnan 10, 8 häm annan da azraq sanda kilgännär.
Cäyläwektä balalar öçen törledän-törle çaralar, ayırım alğanda yazuçılar, tanılğan şäxeslär belän oçraşular, Bolğarğa, Qol-Şärif mäçetenä, Qazannıñ istälekle urınnarına säfärlär oyıştırılğan. Här kön törle çaralarğa bay bulğan. Änisä Morozova
Här kön qızıqlı oçraşular, bäygelär. Äytegez äle Sez qaydan kildege. Sarıtawdan üzläreneñ tatar studiäse belän kilgännär. Alar barlığı 14 bala. Monda da yaña spektakl' öyränep kittelär. Ästerxannar matur bii. Dimitrovgradtan “Qarlığaç” ansamble bar.
Çärşämbe könne cäyläwektäge balalar Tatarstan mäğärif häm fän ministrı Räis Şäyxelislamov belän dä oçraştı. Alar anda üz hönärlären kürsättelär. Balalarnıñ äle härberse tatarça bik yaxşı belmäsä dä, monda kilgännän soñ qızıqsınu tağın da arta ikän.
Alar tatar telen belergä tırışıp kitälär. Xätta bötenläy rus ğailälärennän kilgän balalar da bar. Komi respublikasınnan Semen tatar tele däreslärenä yörde, qızıqsındı.
Änisä Morozova yabılu tantanasında balalarğa kitaplar büläk itelüen äytte.
Landış Xarrasova
