Accessibility links

Кайнар хәбәр

Qol-Şärif mäçetendä 100-nçe nikax uqıldı


Qol-Şäriftä nikax Ramil Ramazanov belän Läylä isemle qızğa uqıldı. İkese dä Sarman rayonınnan, bügenge köndä Qazanda yäşilär. Ramil Prezident Apparatında eşli, Läylä “Çulpan” iminiät kompaniäsendä xisapçı. Alarğa älege mäçettä 100нче niqax uqıluın, alar monda ğına belgännär. “Qol-Şärif” mäçete imamı Ramil Yunısov

2006 yılnı 100нче nikaxnı uqıybız. Traditsiägä äylände. Könenä berniçä uqıla. Bu mäçetkä dä öndäw

Qol-Şäriftä nikax uqıtu teläge isä Rämilneke bulğan. Yäş parlar namazlar uqımasalar da dingä ışanuların äyttelär. Rämilne keçkenädän möselman lagerenä yörtkännär, ul küp doğalarnı belä. Rämil

Kerep qarap yöri idem. Ramil Yunısov belän söyläştek tä, ber ay aldan yazıldıq. Äti-änilärgä dä isän çaqta Qol-Şärif mäçeten kürsätäsebez kilde.

Läylä

Nikax bilgele qız öyendä ütkärelergä tieş, läkin mäçettä uqıtu ayıruça küñelle.

Niqax säğät 3тә başlandı. Anda yäşlärneñ äti-niläre, tuğannarı cıyılğan ide. Mäcles tabın artında wäğäz uqudan başlanıp kitte.

Bügenge köndä Qol-Şäriftä nikax uqıtırğa tezläwçelär arta ikän. Ramil Yunısov belderüençä, ata-analar tügel, ä yäşlär üzläre şundıy teläk belderä. Qol-Şäriftä härkem nikax uqıta ala. Ramil Yunıysov

Aldan yazılırğa kiräk, çönki xäzer inde oktäbergä ğarizalar qabul itelä. Comğa könne qayber könne bişeşär nikax uqıla.

Tatarstannan çittän kilep nikax uqıtuçılar da küp ikän. Ramil Yunıysov

Finnär, ğäräplär, töreklär belän nikax buldı. Martin Şveytsariädän katolik bulğan. Xäzer islam dinen qabul itep möselman qızı belän nikaxlaştı. Çit illärdän, Rusiädän kilälär. Üzbäkstannan nikax kilep uqıtqannarı bar.

Cırçı Alsu Safina da nikaxın monda uqıtırğa telägän ikän. Monı Ramil Yunıysov inqar itmäde. Läkin saylağan yarı yähüd bulu säbäple, ul mondıy ninalarnı uqımawın äytte. Ä möselman yegetenä başqa millät häm din wäkilläre belän niqax uqıtu şäriğät'ttä yarıy. Häm mondıy nikaxlar mäçettä uqıla dide ul.

Landış Xarrasova

XS
SM
MD
LG