Accessibility links

Кайнар хәбәр

Tatarlar çit illärdäge Rusiä watandaşlarınıñ sport bäyrämendä qatnaştı


Çit ildä yäşäwçe Rusiä watandaşlarınıñ sport festivale bıyıl berençe tapqır ğına uzğan. Anı Mäskäw Xökümäte häm Rusiä watandaşlarınıñ Xalıqara Şurası oyıştırğan. Barlığı 24 yaqın häm yıraq çit illärdän, ayırım alğanda Amerika, Slovakiä, Baltıyk buyı illärennän 600гә yaqın Rusiä watandaşları qatnaşqan. Alar arasında 11 keşelek keçkenä genä Tatarstan törkeme dä bulğan. Barlığı isä här ildän 30 keşe qatnaşa alğan.

Rusiä watandaşları Şurası Bötendönya tatar kongressı Başqarma komitetına da täqdim belän çıqqan. Kongress çit il illärgä şundıy festival''dä qatnaşa alasız dip xatlar cibärgän bulğan. Üzbäkstan, Qazaqstan, Äzerbäycandağı millättäşlärebez teläk beldergännär. Äzerbäycandağı tatarlar ğariza birergä soñğa qalğan. Ä Üzbäkstandağı mini (keçe)-futbol buyınça 9 keşelek komanda häm Qazaqstandağı ciñel atletika buyınça 2 keşe qatnaşqan. Älege delegatsiäne tuplap barğan Bötendönya tatar kongressı başqarma komitetınıñ çit illärdäge tatar oyışmaları belän eşläw bülege referentı Al''bina Nuretdinova

Üzbäkstannan Marat Kabaev citäkçelegendäge 15 yäşlek mini-futbol belän şöğellänüçe yäşlär qatnaştı. Qazaqstannan isä ciñel atletiqa buyınça Katya Gimazetdinova häm atalı ullı Yura häm Ruslan Gıymranovlar.

Al''bina Nuretdinova sport festivaleneñ yuğarı däräcädä ütkänen belderde. Anıñ tantanalı açılışı Mäskäwneñ Lujniki sport sarayında uzğan. Yäşüsmerlärne Mäskäw merı Yuriy Lujkov, Fransiädän graf Şeremetov sälämlägän. Törle estrada yoldızları qatnaşında zur konsert bulğan.

Festival'' qısalarında törle sport yarışlarınnan tış, yäşüsmerlär öçen küñel açu çaraları, Mäskäwneñ istälekle urınnarı belän tanışular, säyäxätlär oyıştırılğan. Çığımnarnıñ barısın da Mäskäw Xökümäte qaplağan. Xätta delegatsiälär tektergän sport kostyumnarı öçen dä tülägännär. Tatarlar isä cir şarına Söyembikä manarası töşerelgän futbolkalarda barğan. Çit illärdän kilgän yäşüsmerlär arasında tatarlarğa qaraş turında Al''bina Nuretdinova

Bu tatarlarnı täqdim itü kebegräk buldı. Çönki kübese anda tatarlar turında rusça belmägän, “qarañğı” xalıq kebek fiker yörtä ide.

Al''bina Nuretdinova belderüençä, Baltıyk buyı illärendäge trenerlarnıñ kübese Tatarstannı belä häm qızıqsına ikän. Sport festivale 1 atna däwamında Mäskäwneñ Lujniki, Çertanovo, Luç kebek bilgele sport kompleksları – stadionnarda uzğan. Anda keçe-futbol, ciñel atletikadan tış, östäl tennisı häm şaxmat uyınnarı da bulğan. Tatarlar isä yuğarı urınnarnı alğan. Al''bina Nuretdinova

Mini-futbol buyınça Üzbäkstan komandası II urınnı, Katya isä ciñel atletika buyınça III, Ruslan çabu buyınça VI urınnı aldı

Al''bina Nuretdinova äytüençä, Üzbäkstan häm Qazaqstannan kilgän yäş millättäşlärebezgä älege festival'' bik oşağan. Üzbäkstandağı mini-keçe futbol qumandasın tanılğan sportçı Alinä Qabayıwanıñ ätise futbol ostası teläk belderep Marat Kabaev tuplap kilgän. Ul älege qumandanı maxsus äzerlägän. 24 il arasında tatarlarnıñ 2нче urın aluına ul bik ğorurlanğan.

Rusiä watandaşlarınıñ Xalıqara Şurası mondıy festival''lärne yıl sayın uzdırırğa niätli. Kiläse yılğa ul fol''klor buyınça bulaçaq.

Landış Xarrasova

XS
SM
MD
LG