Ufanıñ Oktäber rayonı mäxkämäsendä “Galimov törkeme” citäkçese eşe qarala başlandı. Ul 90 nçı yıllarda Ufa häm respublika rayonnarın der selketkän cinayätçelär törkeme citäkçese Al'bert Galimov. Galimov törkemen reket, eşquarlarnı “tübä astına” alular çäçäk atqan çorda oyıştırğan. Törkemgä sportçılar ğına alınğan. Alar “Zastava”, “Alligator” isemle saq xezmätläre tözep räsmi terkälgännär. Älege törkem Salawat şähäre törkeme belän mönäsäbätlär açıqlağanda Galimov PM pistoletınnan beräwgä atıp xoquq yaqlawçılar qulına elägä. Läkin aña ğäyepläw belderer kön aldınnan prokuratura seyfınnan cinayät eşe yuqqa çığa. Älege törkem namusında bulğan barlıq cinayät eşlären dä waqıt uzu säbäple açu mömkinçelege betkän. Zamanında ul törkemdä buluçılar arasında eşquar, deputat bulıp kitüçelär dä bar.
