Berençe avgusttan Qazan timeryul vokzalında üzgäreşlär kötelä. Qazan-Mäskäw yünäleşendä tizyöreşle "Tatarstan" poyezdı xäräkät itä başlıy. Tizyöreşle "Tatarstan" poyezdı xäzer Mäskäwgä ğädättägeçä 12 säğät 25 minutta tügel, ä 10 säğät 30 minut eçendä barıp citä alaçaq. Şul uq waqıtta poyezdnıñ tuqtalışları üz xälendä qala. Tizyöreşle poyezd xäräkät itä başlaw belän, anıñ yörü waqıtı da üzgärtelä. 1 avgusttan "Tatarstan" poyezdı Qazannan 20 säğät 40 minutta çığıp kitä häm ikençe könne Mäskäwgä barıp citü waqıtı - 7 säğät 10 minutta. Mäskäwdän poyezd 22 säğät 08 minutta quzğalıp kitä, Qazanğa 8 säğät 32 minutta kilep citä. Şulay uq 1 avgusttan “Rusiä timer yulları”neñ barlıq büleklärendä yıraqqa yörüçe poyezdlarda urın-cir cäymäseneñ bäyäse bilet bäyäsenä keräçäk. Urın-cir cäymäse bäyäse vagonnıñ uñaylılığına qarap, 45 sumnan 112 sumğa qädär toraçaq.
Gölnaz Şäyxetdin
