Yäkşämbedä könyaq Lebannıñ Qana awılında 54 keşe häläk bulğannan soñ İzrail üzeneñ hawa höcümnären 48 säğätkä tuqtatıp toraçağın äytkän ide. Tınıç xalıqqa bu töbäktän kitü mömkinlege birü öçen. Ber täwlek tä ütmäde çik buyındağı awıllar yänä utqa totıldı. İzrailneñ tışqı eşlär ministrlığı süzçese Mark Regev süzlärençä, höcümnärne yañartu qararı uzğan tön xökümät utırışında qabul itelgän:
"İzrailneñ iminlek xökümäte maxsus utırışında könyaq Lebandağı höcümnärne däwam itergä qarar itte. Hizbollanıñ nığıtmaların yuq iter öçen. İzrailgä raketalar näq menä şunnan cibärelä" di İzrail räsmie.
Qana awılı İzrailgä raketa cibärelgän awıllarnıñ berse bulğan dielä. Sişämbedä anda cenazalar ütte. 54 qorbannıñ 37se balalar. Bu höcüm öçen İzrail Lebannan ğafu ütende. Xaılqara cämäğätçelek kiçekmästän utnı tuqtatırğa taläp itte.
Uzğan töndä isä İzrail awılına tağın 3 raketa cibärelgän. Hizbolla törkeme soñğı bäreleştä 4 suğışçısın yuğaltuın xäbär itte. İzrail armiäse mäglümätenä qarağanda soñğı 2 täwlektä 20 ğisyanıçı üterelgän.
İzrailneñ mäglümät çaralarına qarağanda, xäzer cir öste ğämälläre öçen kimendä 15 meñ rezervistnı tuplaw eşe bara. Kürşe Süriä dä xärbi äzerlegen arttıra.
Berläşkän Millätlärneñ Könyaq Lebanğa barğan humanitar qärwanı bügen yul urtasında tuqtarğa mäcbür bulğan. Ber taraf ta iminlek qarantiäse birä almağan.
Düşämbe Jerusalemğa kilgän Quşma Ştatlar däwlät sekretare Condoleezza Rice ber atna eçendä ut tuqtatılır digän ömeten äytep kitkän ide.
Berniçä säğättän İzrail premier-ministrı Yäxüd Olmert televidenie aşa yasap bu ömetlärne parğa äyländerde:
"Suğış däwam itä, Hizbolla raketaları yuq itelmi torıp, yaqın könnärdä bernindi ut tuqtatu bulmayaçaq" di İzrail premierı.
İnfrastruktura ministrı Binyamin Ben-Elizer süzlärençä İzrail armiäsenä üz eşen beterü öçen 2 atna kiräk.
Qayber xäbärlärgä qarağanda yaña höcümnärdä tanklar da qullanılaçaq. Cir öste köçläre Lebanğa 6-7 çaqırımğa ütep keräçäk.
Şulay itep, İzrail Könyaq Lebanda höcümnären köçäytä, häm dä töbäktä xalıqara tınıçlıq saqlaw köçläre urnaşmıy torıp alarnı tuqtatırğa cıyınmıy.
Berläşkän Millätlärneñ şuşı xalıqara köçlärgä bağışlanğan utırışı düşämbedä ütäse ide. Ämmä ul kiçekterelde. BMO räsmiläre älegä töbäkkä ğäskär kertergä aşıqmıy, diplomatik çaralarğa ömet tota.
ali ğilmi
"İzrailneñ iminlek xökümäte maxsus utırışında könyaq Lebandağı höcümnärne däwam itergä qarar itte. Hizbollanıñ nığıtmaların yuq iter öçen. İzrailgä raketalar näq menä şunnan cibärelä" di İzrail räsmie.
Qana awılı İzrailgä raketa cibärelgän awıllarnıñ berse bulğan dielä. Sişämbedä anda cenazalar ütte. 54 qorbannıñ 37se balalar. Bu höcüm öçen İzrail Lebannan ğafu ütende. Xaılqara cämäğätçelek kiçekmästän utnı tuqtatırğa taläp itte.
Uzğan töndä isä İzrail awılına tağın 3 raketa cibärelgän. Hizbolla törkeme soñğı bäreleştä 4 suğışçısın yuğaltuın xäbär itte. İzrail armiäse mäglümätenä qarağanda soñğı 2 täwlektä 20 ğisyanıçı üterelgän.
İzrailneñ mäglümät çaralarına qarağanda, xäzer cir öste ğämälläre öçen kimendä 15 meñ rezervistnı tuplaw eşe bara. Kürşe Süriä dä xärbi äzerlegen arttıra.
Berläşkän Millätlärneñ Könyaq Lebanğa barğan humanitar qärwanı bügen yul urtasında tuqtarğa mäcbür bulğan. Ber taraf ta iminlek qarantiäse birä almağan.
Düşämbe Jerusalemğa kilgän Quşma Ştatlar däwlät sekretare Condoleezza Rice ber atna eçendä ut tuqtatılır digän ömeten äytep kitkän ide.
Berniçä säğättän İzrail premier-ministrı Yäxüd Olmert televidenie aşa yasap bu ömetlärne parğa äyländerde:
"Suğış däwam itä, Hizbolla raketaları yuq itelmi torıp, yaqın könnärdä bernindi ut tuqtatu bulmayaçaq" di İzrail premierı.
İnfrastruktura ministrı Binyamin Ben-Elizer süzlärençä İzrail armiäsenä üz eşen beterü öçen 2 atna kiräk.
Qayber xäbärlärgä qarağanda yaña höcümnärdä tanklar da qullanılaçaq. Cir öste köçläre Lebanğa 6-7 çaqırımğa ütep keräçäk.
Şulay itep, İzrail Könyaq Lebanda höcümnären köçäytä, häm dä töbäktä xalıqara tınıçlıq saqlaw köçläre urnaşmıy torıp alarnı tuqtatırğa cıyınmıy.
Berläşkän Millätlärneñ şuşı xalıqara köçlärgä bağışlanğan utırışı düşämbedä ütäse ide. Ämmä ul kiçekterelde. BMO räsmiläre älegä töbäkkä ğäskär kertergä aşıqmıy, diplomatik çaralarğa ömet tota.
ali ğilmi