Kuala Lumpurğa barlığı 20-läp möselman däwläteneñ başlığı kilde, xörmätle tıñlawçılar. Alar arasında Liban şığıylarınıñ Xizbulla xäräkäte artında toruçı dip farazlanğan İrannıñ da prezidentı bar. Xakimiätkä kilgännän birle Mäxmüt Äxmädinecad üzeneñ İzrailgä qarşı buluın ber dä yäşermi, häm äle uzğan yılnıñ noyäbrendä ul, Yaqın Könçığıştağı yähüd däwläte dönya xaritasınnan yuq itelergä tieş, dip beldergän ide.
Yaqın Könçığıştağı nizağnı xäl itü öçen berençe bulıp İzrailne beterü kiräklege turındağı fikeren Äxmädinecad pänceşämbe könne Malayziä başqalasında da qabatladı. Ämma älegä ul moña bik tirän kerep tormadı, barı tik islam illären İzrail belän bulğan bar bäyläneşlären dä ezärgä, yähüd däwläten tulısınça ayırırğa öndäde. Möselman illäreneñ zur öleşe inde bolay da İzrail belän bernindi dä mönäsäbätläre yuq. İran prezidentı monıñ belän genä çiklänmäde, Libanğa höcüm itüendä İzrailne yaqlawları öçen cawaplılıq Quşma Ştatlar häm Britaniä kebek illärgä dä töşä, Libandağı cinayät öçen alar da cawap totarğa tieş, dip isäpli. İslam Konferensiäse oyımasınıñ aşığıç cıyınında qatnaşuçı başqa citäkçelär dä İzrailneñ Libanğa höcüm itüen kisken ğäyepläp çıqtı. Alarnıñ kübese xäzerge çorda iñ möhime - suğışlarnı tuqtatuğa ireşü, dip sanıy. Pakstan premyer-ministrı Şäwkät Ğäziz, misal öçen, moña kiçekmästän ireşelmäsä, suğış utı tirä-yündäge illärne dä yotıp, Yaqın Könçığışta däwamlı solıx urnaştıru ömetlären tämam üterä ala, dip kisätte:
"Çişeleş bulıp kiçekmästän suğışlarnı tuqtatu, bu nizağ töbendä yatqan säbäpne işetü, häm anı aralaşu wä fiker alışu aşa xäl itärgä tırışu tora. Monı bezneñ barıbız da teli, häm barıbız da monıñ tormışçan ber çişeleşkä kiterüen añlıy", di Pakstan premyer-ministrı.
İndoneziä prezidentı Susilo Bambang Yudhoyono, ä ul dönyadağı iñ zur möselman ilen citäkli, Libandağı suğış bar möselman dönyasın radikal''läşterä ala, dip kisätä. Anıñ şul fikeren oyışmanıñ general'' sekretare Äqmältdin İxsanoğlu da yaqlıy, islam dönyası buylap näfrät cäyelä, häm şuña kürä "biredä ber urtaq fiker bar - qatı ğına itep kiçekmästän suğışlarnı tuqtatuğa öndäw kiräk" dip belderä İslam Konferensiäse oyışmasınıñ general'' sekretare.
Kuala Lumpurda cıyılğan möselman citäkçeläre Berläşkän Millätlärneñ İminlek Şurasın da kisken tänqitli, çönki ul Liban oçrağında tınıçlıq wä iminlek urnaştıru ölkäsendäge burıçların ütämi, dip isäpli. Oçraşuğa möräcäğäten video aşa ğına yasağan Liban premyer-ministrı Fuat Siniora, İzrailneñ Libanğa qarşı yasağan höcümnärennän bügenge köngä 900-dän artıq keşe hälak buldı, bu suğış ilgä zur zian kiterä, dip belderde:
"Bu bezgä keşe ğömere häm xucalıq ölkäsendä zur zian kiterä, ilebezne häm anıñ iqtisadın tar-mar itä", dip zarlana Liban premyer-ministrı.
Üzendä İslam Konferensiäse oyışması cıyının ütkärgän Malayziäneñ xökümät başlığı Ğabdulla Bädäwi üz çığışında möselman illären, Berläşkän Millätlär täqdim itkän tınışlıq köçlärendä qatnaşırğa äzer bulırğa öndäde.
Kärim Kamal
Yaqın Könçığıştağı nizağnı xäl itü öçen berençe bulıp İzrailne beterü kiräklege turındağı fikeren Äxmädinecad pänceşämbe könne Malayziä başqalasında da qabatladı. Ämma älegä ul moña bik tirän kerep tormadı, barı tik islam illären İzrail belän bulğan bar bäyläneşlären dä ezärgä, yähüd däwläten tulısınça ayırırğa öndäde. Möselman illäreneñ zur öleşe inde bolay da İzrail belän bernindi dä mönäsäbätläre yuq. İran prezidentı monıñ belän genä çiklänmäde, Libanğa höcüm itüendä İzrailne yaqlawları öçen cawaplılıq Quşma Ştatlar häm Britaniä kebek illärgä dä töşä, Libandağı cinayät öçen alar da cawap totarğa tieş, dip isäpli. İslam Konferensiäse oyımasınıñ aşığıç cıyınında qatnaşuçı başqa citäkçelär dä İzrailneñ Libanğa höcüm itüen kisken ğäyepläp çıqtı. Alarnıñ kübese xäzerge çorda iñ möhime - suğışlarnı tuqtatuğa ireşü, dip sanıy. Pakstan premyer-ministrı Şäwkät Ğäziz, misal öçen, moña kiçekmästän ireşelmäsä, suğış utı tirä-yündäge illärne dä yotıp, Yaqın Könçığışta däwamlı solıx urnaştıru ömetlären tämam üterä ala, dip kisätte:
"Çişeleş bulıp kiçekmästän suğışlarnı tuqtatu, bu nizağ töbendä yatqan säbäpne işetü, häm anı aralaşu wä fiker alışu aşa xäl itärgä tırışu tora. Monı bezneñ barıbız da teli, häm barıbız da monıñ tormışçan ber çişeleşkä kiterüen añlıy", di Pakstan premyer-ministrı.
İndoneziä prezidentı Susilo Bambang Yudhoyono, ä ul dönyadağı iñ zur möselman ilen citäkli, Libandağı suğış bar möselman dönyasın radikal''läşterä ala, dip kisätä. Anıñ şul fikeren oyışmanıñ general'' sekretare Äqmältdin İxsanoğlu da yaqlıy, islam dönyası buylap näfrät cäyelä, häm şuña kürä "biredä ber urtaq fiker bar - qatı ğına itep kiçekmästän suğışlarnı tuqtatuğa öndäw kiräk" dip belderä İslam Konferensiäse oyışmasınıñ general'' sekretare.
Kuala Lumpurda cıyılğan möselman citäkçeläre Berläşkän Millätlärneñ İminlek Şurasın da kisken tänqitli, çönki ul Liban oçrağında tınıçlıq wä iminlek urnaştıru ölkäsendäge burıçların ütämi, dip isäpli. Oçraşuğa möräcäğäten video aşa ğına yasağan Liban premyer-ministrı Fuat Siniora, İzrailneñ Libanğa qarşı yasağan höcümnärennän bügenge köngä 900-dän artıq keşe hälak buldı, bu suğış ilgä zur zian kiterä, dip belderde:
"Bu bezgä keşe ğömere häm xucalıq ölkäsendä zur zian kiterä, ilebezne häm anıñ iqtisadın tar-mar itä", dip zarlana Liban premyer-ministrı.
Üzendä İslam Konferensiäse oyışması cıyının ütkärgän Malayziäneñ xökümät başlığı Ğabdulla Bädäwi üz çığışında möselman illären, Berläşkän Millätlär täqdim itkän tınışlıq köçlärendä qatnaşırğa äzer bulırğa öndäde.
Kärim Kamal