Yaqın könçığışta kierenkelek könnän-kön arta bara. Comğa könne İzrail oçqıçları Bäyrut tiräsen utqa tottı. Hizbolla törkeme, ägär bombalar şähärneñ üzägenä töşsä, Tel-Avivqa raketa cibärü belän yanadı. Lebannıñ könyağında İzrail xärbiläre belän Hizbolla suğışçıları arasında bäreleşlär bara.
- Qorbannar turında nidi xäbärlär bar?
Kilgän xäbärlärgä qarağanda atnakiç könne 8 İzrail xärbie häm 4 sivil keşe häläk bulğan. 3 atna barğan bäreleşlärdä bu älegä qädär iñ zur yuğaltular köne buldı.
Comğa könne, İzrail oçqıçları Bäyrutnıñ könyağına 100dän artıq höcüm yasağan. Kimendä 5 sivil keşe ülgän dielä. Leban yağı isä, Bekaa Üzänlegendä urnaşqan Qaa awılına yasalğan höcüm näticäsendä 25 keşe ülgän dip belderä.
İzrail politsiäse äytüenä qarağanda, Hizbolla İzrailneñ tönyağına 120 raketa cibärgän, 2 xatın-qız häläk bulğan. "Äl-Arabia" televideniese isä Lebannıñ könyağında 5 İzrail xärbie häläk bulğan dip xäbär itte. Bu sannar älegä bäysez çığanaqtan raslanmağan.
Monnan tış tağın ber borçulı närsä bar. Tirän-yün moxit saqlawçılar bu suğış töbäkkä zur zıyan kiterä di. Bäyrutta 4 küper cimerelgän. Yar buyındağı ber yağulıq stansiäse cimerelü arqasına Urta diñgezgä berniçä tonna neft ağıp töşkän.
- Şuşı wazğiätneñ citdilegen añlap, berär taraftan tuqtarğa çaqırğan öndäwlär yuqmı?
Şundıy ber täqdim atnakiç könne yañğıradı, Hizbolla yağınnan. Şiği citäkçe Xäsän Nasr-alla, Äl-Manar televideniesendä yasağan çığışında, İzrailgä möräcäğät itep, "Ägär sez bezneñ awıl-şähärlärgä höcümnäregezne tuqtatsağız, bez dä raketalar cibärüne tuqtatırbız", dip belderde.
Ämmä berük waqıtta ul, ägär İzrail Bäyrutnıñ üzägen bombalıy başlasa, Tel-Avivqa raketa cibärü belän yanadı.
"Ägär sez bezneñ başqalanı bombalıysız ikän, bez dä sezneñ zolım-däwlät başqalağıznı utqa totaçaqbız. Bäyrütqa höcüm itäsez ikän, İslam Qarşılığı, Allahı Täğälä yärdäme belän, Tel-Avivnı utqa totaçaq", di Hizbolla citäkçese Xäsän Nasr-alla.
- İzrailneñ moña cawabı mäğlümme?
Räsmi cawap älegä yuq. Läkin, kilgän xäbärlärgä qarağanda, İzrail armiäse tuqtarğa cıyınmıy axrı. Kiresençä, Leban cirenä tağı da eçkäräk ütergä tırışa. Saqlanu ministrı Ämir Peres, ğäskärenä LİTANİ yılğasına qädär, yağni 20 çaqırım eçkä ütergä äzerlänergä färman birgän.
- Axırsı, bu wazğiättä bar ömet dönya cämäğätçelegenä. Berläşkän Millätlär Oyışmasında berär xäräkät küzäteläme?
BMOnıñ İminlek Şurası yaqın säğätlärdä Lebanğa bağışlanğan maxsus kiñäşmägä cıyılırğa tieş. New Yorktan kilgän xäbärlärgä qarağanda, anda Yaqın Könçığışta utnı tutqtatırğa çaqırğan qarar ölgese tikşereläçäk. Ämmä, Şuranıñ eş itü täcribäsennän çığıp fiker yörtsäk, nindi bulsa näticäne, küräseñ, kiläse atnağa ğına kötergä kiräkter.
ali ğilmi
- Qorbannar turında nidi xäbärlär bar?
Kilgän xäbärlärgä qarağanda atnakiç könne 8 İzrail xärbie häm 4 sivil keşe häläk bulğan. 3 atna barğan bäreleşlärdä bu älegä qädär iñ zur yuğaltular köne buldı.
Comğa könne, İzrail oçqıçları Bäyrutnıñ könyağına 100dän artıq höcüm yasağan. Kimendä 5 sivil keşe ülgän dielä. Leban yağı isä, Bekaa Üzänlegendä urnaşqan Qaa awılına yasalğan höcüm näticäsendä 25 keşe ülgän dip belderä.
İzrail politsiäse äytüenä qarağanda, Hizbolla İzrailneñ tönyağına 120 raketa cibärgän, 2 xatın-qız häläk bulğan. "Äl-Arabia" televideniese isä Lebannıñ könyağında 5 İzrail xärbie häläk bulğan dip xäbär itte. Bu sannar älegä bäysez çığanaqtan raslanmağan.
Monnan tış tağın ber borçulı närsä bar. Tirän-yün moxit saqlawçılar bu suğış töbäkkä zur zıyan kiterä di. Bäyrutta 4 küper cimerelgän. Yar buyındağı ber yağulıq stansiäse cimerelü arqasına Urta diñgezgä berniçä tonna neft ağıp töşkän.
- Şuşı wazğiätneñ citdilegen añlap, berär taraftan tuqtarğa çaqırğan öndäwlär yuqmı?
Şundıy ber täqdim atnakiç könne yañğıradı, Hizbolla yağınnan. Şiği citäkçe Xäsän Nasr-alla, Äl-Manar televideniesendä yasağan çığışında, İzrailgä möräcäğät itep, "Ägär sez bezneñ awıl-şähärlärgä höcümnäregezne tuqtatsağız, bez dä raketalar cibärüne tuqtatırbız", dip belderde.
Ämmä berük waqıtta ul, ägär İzrail Bäyrutnıñ üzägen bombalıy başlasa, Tel-Avivqa raketa cibärü belän yanadı.
"Ägär sez bezneñ başqalanı bombalıysız ikän, bez dä sezneñ zolım-däwlät başqalağıznı utqa totaçaqbız. Bäyrütqa höcüm itäsez ikän, İslam Qarşılığı, Allahı Täğälä yärdäme belän, Tel-Avivnı utqa totaçaq", di Hizbolla citäkçese Xäsän Nasr-alla.
- İzrailneñ moña cawabı mäğlümme?
Räsmi cawap älegä yuq. Läkin, kilgän xäbärlärgä qarağanda, İzrail armiäse tuqtarğa cıyınmıy axrı. Kiresençä, Leban cirenä tağı da eçkäräk ütergä tırışa. Saqlanu ministrı Ämir Peres, ğäskärenä LİTANİ yılğasına qädär, yağni 20 çaqırım eçkä ütergä äzerlänergä färman birgän.
- Axırsı, bu wazğiättä bar ömet dönya cämäğätçelegenä. Berläşkän Millätlär Oyışmasında berär xäräkät küzäteläme?
BMOnıñ İminlek Şurası yaqın säğätlärdä Lebanğa bağışlanğan maxsus kiñäşmägä cıyılırğa tieş. New Yorktan kilgän xäbärlärgä qarağanda, anda Yaqın Könçığışta utnı tutqtatırğa çaqırğan qarar ölgese tikşereläçäk. Ämmä, Şuranıñ eş itü täcribäsennän çığıp fiker yörtsäk, nindi bulsa näticäne, küräseñ, kiläse atnağa ğına kötergä kiräkter.
ali ğilmi