Rusiäneñ saqlanu ministrı Sergey İvanov Quşma Ştatlarnıñ “Rosoboroneksport” şirkätenä häm “Suxoy” aviakonsernına çikläwlär kertü qararın tänqitläp çıqtı. “Däwlät departamentı tarafınnan “Rosoboroneksport”qa häm “Suxoy” aviakonsernına bulğan çikläwlär turında min böten açıqlıq belän ber närsä genä äytä alam - taratmawğa bu çikläwlärneñ ber genä qatnaşı da yuq”,- dide Sergey İvanov. Çikläwlär uzğan atnada kertelde. Waşington Rusiä şirkätlären häm şulay uq Hindstannan, Tönyäk Koreadan häm Kubadan tağın 5 şirkätne İranğa küpläp yuq itü qoralı yasaw öçen qullanılırday matdälär kertüdä ğäipli.