2-4 meñ çaması ğına xärbie bulğan Hezbolla distä meñle İzrail armiäsenä qarşı şaqtıy uñışlı partizan suğışı alıp bara. "Hezbollanıñ köçe närsädä?", digän soraw belän bez Timur Göksäl digän keşegä möräcäğät ittek. Ul zamanında Könayq Lebanda BMOnıñ küzätü törkemendä eşlägän, xäzer Bäyrutta Amerikan Universitetında uqıta.
"Bu keşelär Könyaq Lebanda İzrailgä qarşı inde 18 yıl köräşkän, di Timur. İzrail basıp kergännän birle, alar partizan suğışına äzerlängän. Alar täcribäle, yaxşı qorallanğan, eşlägänen inanıp eşli. Cirle xalıq alarğa yärdäm itä, alar üzläre dä cirle keşelär, üz awılların saqlıylar. Menä şularnıñ barısın bergä cıysañ, köçle partizan armiäse kilep çığa" di Timur Göksäl.
Här suğışta töp maqsat – doşmannıñ idaräsen cimerü. İzrailneñ ber ay çaması bombalawına qaramastan, Hezbolla äle dä isän kebek. Monıñ säbäbe närsädä?
Eş şunda ki, Hezbollanıñ ğädäti xärbi idaräse, ber-bersenä buysınğan berämleklär piramidası yuq. Şul uq Timur Göksäl äytüençä, Bäyrutta ber citäkçe bar, häm suğış qırında - möstäqil törkemnär. Küp digändä 20 keşedän torğan bu keçkenä törkemnär östän färman kötep tormıy, närsä eşlärgä kirägen üzläre belä, ber kem aldında da xisap totmıy, bäysez xäräkät itä.
Hezbolla citäkçese Şäix Xäsän Nasralla bu keşelär belän niçek idarä itä soñ?
Şäix Nasralla – yuğarı citäkçe. Anıñ belän cirle citäkçelär arasında başqa ber kem dä yuq. Aradaşçılar berniçä yıl elek beterlde. İzrail küzläwçelärenä eşne awıraytu öçen.
Tağın ber närsä – bu Hezbolla suğışçıları bik tä yäşeren. Alar xättä ber-bersen belmi. Xärbi kimenäre, ştab-nığıtmaları yuq. Şuña kürä alarnı eläkterüe dä bik qıyın.
İzrail xärbiläre Könyaq Bäyrutnı utqa totıp Şäix Nasrallanı yuq itergä teli, digän xäbärlär bar. Nasralla üterelsä, Hezbolla taralaçaqmı?
Timur Göksäl fikerençä, bu näq şulay bulaçaq ta. "Şäix Nasrualla kitsä, oyışma taralaçaq. Çönki annan başqa, mondıy zur oyışmanı, sotsial-iqtisadi-säyäsi-xärbi närsälärne bergä totıp torırday keşe yuq. Şul uq waqıtta, Hezbolla eçendä törle ağımnar bar. Nasralla kitsä, alar bäysez xäräkät itä başlarğa mökin. Qullarında qoral, raketalar buluın iskä alğanda, bu şaqtıy qurqınıç" di Timur Göksäl.
İzrail Leban yulların cimerep, Süriä belän İrannan kilgän yärdämne tuqtatırğa teli digän añlatma bar. Bu strategiä näticäle bula alamı?
Timur Göksäl süzlärençä, bu strategiä tügel, ä Leban infrastrukturasın cimerü, ilgä kübräk zıyan kiterü tırışlığı. Çönki, İzrail Hezbollanı üze genä tuqtata almıy, şuña kürä aña qarşı Leban xalqın qotırtırğa tırışa. Ä inde çittän kilgän yärdämne alay ğına tuqtatıp bulmıy. Açıq çiklär 300 çaqırımğa suzılğan. Alarnı berniçek tä kontrol itep beterep bulmıy. Bu fäqät bombalawlarnı aqlaw niäte dip sanıy - Leban belgeçe, Bäyruttağı Amerikan Universitetı möğallime Timur Göksal.
Ali Ğilmi
"Bu keşelär Könyaq Lebanda İzrailgä qarşı inde 18 yıl köräşkän, di Timur. İzrail basıp kergännän birle, alar partizan suğışına äzerlängän. Alar täcribäle, yaxşı qorallanğan, eşlägänen inanıp eşli. Cirle xalıq alarğa yärdäm itä, alar üzläre dä cirle keşelär, üz awılların saqlıylar. Menä şularnıñ barısın bergä cıysañ, köçle partizan armiäse kilep çığa" di Timur Göksäl.
Här suğışta töp maqsat – doşmannıñ idaräsen cimerü. İzrailneñ ber ay çaması bombalawına qaramastan, Hezbolla äle dä isän kebek. Monıñ säbäbe närsädä?
Eş şunda ki, Hezbollanıñ ğädäti xärbi idaräse, ber-bersenä buysınğan berämleklär piramidası yuq. Şul uq Timur Göksäl äytüençä, Bäyrutta ber citäkçe bar, häm suğış qırında - möstäqil törkemnär. Küp digändä 20 keşedän torğan bu keçkenä törkemnär östän färman kötep tormıy, närsä eşlärgä kirägen üzläre belä, ber kem aldında da xisap totmıy, bäysez xäräkät itä.
Hezbolla citäkçese Şäix Xäsän Nasralla bu keşelär belän niçek idarä itä soñ?
Şäix Nasralla – yuğarı citäkçe. Anıñ belän cirle citäkçelär arasında başqa ber kem dä yuq. Aradaşçılar berniçä yıl elek beterlde. İzrail küzläwçelärenä eşne awıraytu öçen.
Tağın ber närsä – bu Hezbolla suğışçıları bik tä yäşeren. Alar xättä ber-bersen belmi. Xärbi kimenäre, ştab-nığıtmaları yuq. Şuña kürä alarnı eläkterüe dä bik qıyın.
İzrail xärbiläre Könyaq Bäyrutnı utqa totıp Şäix Nasrallanı yuq itergä teli, digän xäbärlär bar. Nasralla üterelsä, Hezbolla taralaçaqmı?
Timur Göksäl fikerençä, bu näq şulay bulaçaq ta. "Şäix Nasrualla kitsä, oyışma taralaçaq. Çönki annan başqa, mondıy zur oyışmanı, sotsial-iqtisadi-säyäsi-xärbi närsälärne bergä totıp torırday keşe yuq. Şul uq waqıtta, Hezbolla eçendä törle ağımnar bar. Nasralla kitsä, alar bäysez xäräkät itä başlarğa mökin. Qullarında qoral, raketalar buluın iskä alğanda, bu şaqtıy qurqınıç" di Timur Göksäl.
İzrail Leban yulların cimerep, Süriä belän İrannan kilgän yärdämne tuqtatırğa teli digän añlatma bar. Bu strategiä näticäle bula alamı?
Timur Göksäl süzlärençä, bu strategiä tügel, ä Leban infrastrukturasın cimerü, ilgä kübräk zıyan kiterü tırışlığı. Çönki, İzrail Hezbollanı üze genä tuqtata almıy, şuña kürä aña qarşı Leban xalqın qotırtırğa tırışa. Ä inde çittän kilgän yärdämne alay ğına tuqtatıp bulmıy. Açıq çiklär 300 çaqırımğa suzılğan. Alarnı berniçek tä kontrol itep beterep bulmıy. Bu fäqät bombalawlarnı aqlaw niäte dip sanıy - Leban belgeçe, Bäyruttağı Amerikan Universitetı möğallime Timur Göksal.
Ali Ğilmi