Accessibility links

Кайнар хәбәр

Tatar yäşläre yänä Qazanğa äzerlänä


Tatar yäşläre könnärenä Rusiäneñ 20 töbägennän wäkillär kiler dip kötelä. Tatar yäşläre könnäre oyışqannan birle Borovoe Matyuşinodağı “İdel” yäşlär lagerında uzıp kilde. Bıyıl älege traditsiä üzgärgän. Tatar yäşläre könnäre berençe tapqır “Baytik” cäyläwegendä uzaçaq. “Baytik” isä Biektaw rayonındağı “Krutuşкa” şifaxanäse yanında urnaşqan. Urınnıñ üzgärüen oyıştıruçılar avgust azağında anda salqın bula dip añlattılar Çönki İdel cäyläwege inde 60нчы yıllarda tözelgän häm remont yasalmağan didelär alar.

Bıyılğı programma turında “İdel” yäşlär üzäge citäkçese Miläwşä Şärapova

Bıyıl Tatar yäşläre könnäre 16нчы tapqır uza. Anda tanılğan şäxeslärne çaqırdıq. Yäşlärne Qırlayğa alıp barabız, anda Tuqay könnäre uzaçaq. Şulay uq din buyınça söyläşülär bulaçaq. Din häm yäşlär, din häm xatın-qız häm başqalar. Monnan tış tarix buyınça söyläşülär qaralğan. 30август könne respublika bäyrämenä alıp çığabız.

Miläwşä Şärapova belderüençä, xäzerge waqıtta Tatar yäşläre könnärendä Rusiäneñ 20 töbägennän qatnaşırğa teläk beldergännär. Alar arasında uzğan yıllarda qatnaşqan, şulay uq äle berençe tapqır ğına kilüçelär dä bar ikän. Qayber töbäktän isä tatar oyışmaları härwaqıt yaña delegatlarnı cibärergä tırışa. Çönki tarixi watannarında bulıp, üzläre kebek ük millättäşläre belän aralaşıp, fiker alışqaç alarnıñ milli üzañnarı üzgärä, yäğni tatar bulğannarı öçen oyalu tügel, ä ğorurlıq xisen kiçerä başlıylar. Şulay uq bıyıl BDB illärennän dä kilergä teläk beldergännär. Miläwşä Şärapova

Bıyıl BDB illärennän Qazaqstan häm Latviädän ğarizalar kerde

“İdel” yäşläre üzäge citäkçese Miläwşä Şärapova här töbäktän törle sanda millättäşlärebez kiläçägen äytte. Ber töbäktä 10лап delegat bulsa, şul uq waqıtta ikençesennän azraq kilergä mömkinnär. Ber keşegä yullama isä 2 meñ 200 sum tora.

Landış Xarrasova.

XS
SM
MD
LG