Kanadanıñ Toronto şähärendä SPİD problemalarına bağışlanğan Xalıqara konferensiä bara. SPİDqa qarşı köräşüçelär alğa kitkän illärdän wäğdälären ütärgä häm üsep kilüçe illärdä profilaktika häm däwalaw öçen fondlarğa aqça birergä çaqırdı. Bu cıyında qatnaşqan tabip Filipp Berger bu xaqta bolay dide: “Mondıy konferensiälärneñ barsında da matur çaqırular yañğırıy. “Çaralar kürergä waqıt citte!”, “Bez bötenebez- ber dönya” häm başqa şunıñ kebek. Mondıy cıyınnarda zur keşelär qatnaşa. Ämmä ber närsä dä üzgärmi”.
