Accessibility links

Кайнар хәбәр

Çit ildäge tatarlar ügime?


“Berdäm Rusiä” firqäse çit ildäge Rusiä watandaşları belän eşläwçe milli-mädäni oyışmalar öçen kiläse yıl byudjetqa aqça kertüne arttırırğa uylıy. Bıyıl alarğa 500 million sum qaralğan bulsa, kiläse yılğa anı 1 milliard 200 million sum itärgä kiräk di alar. Şul uq waqıtta Rusiä Däwlät Dumasınıñ konstitutsion qanun komitetı citäkçese Vladimir Pligin däwlät aqçasın barı rus mädäniäten, ayırım alğanda rus milli teatrların buldıruçılar, rus kitapların çığaruçılar, rus telen üsterüçelär genä alırğa tieş di. Dimäk çit ildäge tatarlarğa aqça tätemi digän süz. Çınlıqta bit Rusiädä salımnı tatarlar da tüli. Rusiä byudjetına millättäşlärebez aqçası da kerä. Bu xaqta añlatma sorap “Azatlıq” radiosı TR Däwlät Şurası deputatı, Bötendönya tatar kongressı Başqarma komitetı räise Rinat Zakirov

Älege qararnı şiklänebräk qabul itäbez. Ruslarnıñ mädäniäten-sänğaten qayğırtırğa kiräk. Şul uq waqıtta tatar millätennän bulğan Rusiä watandaşlarınıñ da çit ildä küplegen onıtmasqa kiräk. Menä inde berniçä yıl kongress Rusiä watandaşları Xalıqara Berlege belän eşli. Küp kenä mömkinleklärdän faydalandıq. Aqçalar birelde. Tatar watandaşları yanda qalsa berdä yaxşı bulmas.

Byudjet qabul itelergä äle waqıt bar. Rinat Zakirov belderüençä bu mäs'älä xäl itelergä tieş. Monıñ buyınça ul Mäskäwdä başlanıp Bakuda däwam itäçäk maxsus utırışta äytäçäk. Rinat Zakirov

Rusiä watandaşları Xalıqara Berlegeneñ 2 sentäberdä Mäskäwdä cıyılışı uzaçaq. 500 million şul Berlek arqılı küçä ide elek. Xalıqara Berlekneñ idärä äğzası bularaq min bu mäs’äläne quyaçaqmın.

“Gazeta” digän gäcittä yazılğança, çit ildäge Rusiä watandaşlarına xoquqi yaqtan yärdäm itü öçen dä aqça qaralmas tösle. Ayırım alğanda aldanğan turistlar, qollıqqa eläkkän Rusiälelär belän çit ildäge ilçeleklär, wäkilleklär şöğellänergä tieş dip bara Berdäm Rusiä firqäse wäkilläre. Şul uq waqıtta meñlägän Rusiälelär çit ildä awır xälgä oçrap yärdäm ala almıy integä.

Landış Xarrasova

XS
SM
MD
LG