Accessibility links

“Ramazan” Bolğar säfären Salawatqa bağışlıy


Menä inde 14 yıl buyı “Ramazan” törki milli mädäni cämğiäte Tatarstan, Başqortstan, Çuaşstanda yäşägän millättäşlärebez öçen milli mädäni programma oyıştıra.

Här yılnı bu säfär xalqıbıznıñ mädäniät, sänğät, fän ölkäsendä zur uñışlar qazanğan ber şäxes icatına bağışlana. Aldağı yıllarda İdel buylap Bolğarğa säyäxät itüçelärgä oyıştırılğan programma yazuçılar Ämirxan Yeniki, İldar Yuzeev, tatar xalqınıñ mäşhür cırçıları İlham Şakirov, Färidä Kudaşevağa bağışlansa, bıyılğı iyün ayındağı Ramazan cämğiäteneñ säfäre Tufan Miñnullin icatına bağışlandı.

“Ramazan” oyışmasınıñ 25 avgusttan 1 sentäbergä qädär oyıştırılğan säfäre bıyıl Tatarstannıñ xalıq, Rusiäneñ atqazanğan cırçısı Salawat Fätxetdinovqa bağışlanğan . Xäzer bu säfär turında “Ramazan” oyışması citäkçese Marat Şäripov söyli.

Bu säfär 25 avgust könne Ufanıñ “Duslıq” monumentı pristanennän quzğalaçaq Ğabdulla Tuqay korabında Ufa-Sergeevka-Tübän Kama-Bolğar-Qazan-Çallı-Ufa marşrutı belän ütäçäk. Tirän eçtälekle programmada Salawat Fätxetdinov häm anıñ ğailäse, Färidä Kudaşeva, Venera häm Marat Şäripovlar, Färidä häm Robert Timerbaevlar, Şamil'' Xamadnurov, Röstäm, Güzäl Musa häm Ğaysa Malikovlar häm başqa artistlar qatnaşaçaq. Programmada bik qızıqlı oçraşular uyınnar , köndälek konsertlar, yäşlär öçen diskätüklär , Sabantuy, muzikal'' kiçälär, bäygelär häm balalar öçen Ramazan mädräsäsen oyıştıru qaralğan. Bu säyäxät, Salawat Fätxetdinovnıñ icadi uñışlarına xörmät yözennän oyıştırılğan. Aq paroxodnıñ buyınnan buyına “Salawat” digän zur yazu, cırçınıñ portretı häm anıñ icatıma zur iğtibarıñ öçen räxmät siña moñlı xalqım, ğorur xalqım, digän süzläre yazılğan

Bu säfärne qayçandır Başqortstannan kitkän, bügenge köndä Qazanda yäşäwçe tatarlar sağınıp kötä. Bolğarğa säyäxät itkän paroxod sişämbe könne 29 iyündä irtänge säğät 9.00 da Qazannıñ Yılğa portına kilep tuqtayaçaq.

Mälikä Basıyr

XS
SM
MD
LG