Pänceşämbedä Tatarstan Prezidentı Mintimer Şäymiev eş säfäre belän Tatarstannıñ Sarman häm Tuqay rayonnarında bulıp qayttı. Respublikabıznıñ Sarman rayonında Mintimer Şäymiev tözelep kilüçe sotsial' obyektlarnı - sırxawxanä, çañğı bazası tözeleşe, şulay uq rayonnıñ basu-qırlarında urıp-cıyu eşläre belän tanışıp, rayonnıñ awıl xucalığı predpriätieläre häm cirlek başlıqları belän oçraştı. Tuqay rayonında isä “Kamski bekon” duñğızçılıq kompleksı, “Qama” agrofirması qırlarında uñış cıyu häm ucım bodayı çäçü eşläreneñ barışı belän tanıştı. Gölnaz Şäyxetdin
