Accessibility links

Кайнар хәбәр

Sez metroda yörisezme, ul Qazanğa kiräkme?


-Belmim, kiräk mikän, yuq mikän?

-Bik kiräk. Min kön sayın yörim. Şulqädär uñaylı.

-Keşe bik küp tügel. Törteşmilär, 10 minutta barıp citäm Ämät tuqtalışınnan Tuqay mäydanına qädär. Tik su ağa tüşämnän.

-Bez änine alıp çıqtıq äle menä berençe märtäbä. Üzebezneñ yörgän bar. Bez Azinoda torabız. Avtobus belän bik ozaq, säğät yarım. Ä Metro belän bik tiz. 15 minutta Kremlevskiydan Dawrskiğa xätle bardıq.

- Bik kiräk “Gorkiğa qädär . Tawlıqtan Tuqay mäydanına qädär 9 minutta barıp citäm. “Ğorki” tuqtalışın “Tawlıq” dip atasınnar ide, çönki bez bit tatar şähärendä yäşibez.

- Min Belorussiädän qaytuçı ğına. Bik aptıradım, keşe bik az yöri, ämma bik uñaylı. Ämät tawınnan Qol Şärif mäçetenä bik tiz, 15 minutta barıp cittek.

- Metroda min yörmim , çönki minem öygä qädär ul barıp citmi.

- Waqıtnı äräm itmäs öçen , tizräk üzäkkä barıp citär öçen , Metro kiräk. Bez üzebez qayber waqıtta ğına yöribez. Marşrutkada yartı säğät''tä, ä Metroda 10 minutta barıp citärgä bula.

- Bu Metro bötenläy sıyfatsız tözelgän. Başqa su ağa. Ul keşelärne üzäkkä yörtergä, dimäk , säwdäne üsterergä köylängän. Ägärdä ul keşelärne yıraqta urnaşqan zavod fabrikalarğa eşkä yörtergä köylänmägän ikän , dimäk, anıñ kiräge yuq, dip sanıym.

- Miña bik uñaylı. Ullarıma barıp citärgä elek 1 säğät kiräk bulsa, xäzer 23 -25 minut eçendä barıp citäm.

- Qazanğa Metro, älbättä bik kiräk. Bez bik yış yörmibez. Çönki bez Boriskovo yağında torabız. Ä Metro anda qädär barıp citmi.

Kremlevskiy stançası , Tuqay mäydanı stançaları bik matur itep , milli kolorit belän eşlängän. Xätta Mäskäw stançalarınnan da maturraq bezneñ Qazan Metrosı.

Mälikä Basıyr

XS
SM
MD
LG