Accessibility links

Кайнар хәбәр

İnteraktiv sıynıf zaman taläbeme?


Bıyıl Qazanda berençe sıynıfqa kerüçe balalar sanı 160ка artqan, uzğan yıl belän çağıştırğanda. Äle qayçan ğına Qazannıñ iñ çite dip sanalğan 1нче Azinoda da xäzer tulı köçkä tormış qaynıy. Comğa könne açılğan 175нче mäktäp küp ata-analar öçen söyeneç buldı. Äle nindi mäktäp digen. Cihazlandırılğan ikeşär sport zalı, xokkey, futbol mäydançıqları, biyu bülmäläre, ä eçendäge bizäleşe, yäğni küzlär armasın öçen açıq töslärgä buyalğan bülmälär, interaktiv, yäğni barmaq belän genä dä yazıp bula torğan taqtalar kübesen ğäcäpkä qaldırdı. Ayıruça interaktiv taqtalar. Alar bu mäktäptä dürtäw ikän. Anıñ berse-berse 100 meñ sum tora. İnteraktiv taqtalarda xätta komp'yuterdağı disklar belän kinоlar da kürsätergä bula. Bu xaqta mäktäp açılışında qatnaşqan Tatarstan Premyer-ministrı Röstäm Miñnexanov

Yaxşı cihazlandırılğan mäktäplär bar. Läkin interaktiv sıynıf ul bit cihaz ğına tügel, mäsälän anıñ yärdämendä bez Qazannan torıp Ägercedä belem birä alabız. Bu protsess gel alğa baraçaq. Bezneñ balalar köndäşlekkä sälätle bulırğa häm anı toyıp yäşärgä tieş.

Berençe sıynıfqa kilgän balalar sovet zamanındağı kebek parlap tügel, ä bereşärläp utıralar - uñaylı çit il urındıqları häm öställäre quyılğan. Bälki bereşär utıru sıynıftağı uquçılarnıñ azlığı belän dä bäyleder. Berençe sıynıfqa bıyıl 3 törkem qabul itelde. Här sıynıfqa 12-14 bala uqıyaçaq. Läkin alar arasında tatar sıynıfları yuq. Barı ber sıynıfta ğına tärbiä eşe tatar telendä alıp barılaçağı bilgele buldı. Şuña da qaramastan bäyrämne açu tantanasında berençe sıynıf uquçıları tatarça şiğerlär dä söylädelär.

Yaña açılğan mäktäptä bıyıl 400 bala belem alaçaq. Ğomumän mäktäp 800дән artıq balağa isäplängän. Qalğan 400 balanı cıya almağannarmı – bu xaqta äytelmädeme. Mäktäpne tözü öçen 106 million sum aqça totılğan. Şul qädär aqçanıñ berazın bulsa da 12нче tatar qızlar gimnaziäsen, yäisä 20нче tatar gimnaziäsen açuğa totılsa, bälki otışlıraq ta bulır ide.

Landış Xarrasova

XS
SM
MD
LG