Accessibility links

Кайнар хәбәр

Açıq mikrofon: Mömkinlegegez bulsa, qayda yäşär idegez?


- Tik üzebezneñ Tatarstanda ğına yäşisem kilä : çönki ul minem tuğan cirem, monda minem üskän cirem , anıñ hawası da, qıçıtqanı da, bäräñgese dä miña bik qatı yaqın. Küp illärdä buldım, ämma minem awılımdağı bäräñgeneñ tämen berwaqıtta da onıtmıym, annan da tämle rizıq yuq .

- Min üzebezneñ Tatarstannan berqaya da kitmäs idem. Çit ilgä kitäse kilmi. Monda bar närsä dä küñelgä yaqın.

-Qazanda : çönki ul bik matur, yämle şähär, monda minem duslarım yäşi,

monda minem ğailäm yäşi, keşelär bik yaxşı küñelle.

- Qazanda yäşärgä bik äybät: çönki monda eş buyınça üsep bula.

-Qazan bik matur şähär, Qazannı min bik yaratam.

- Minem Norvegiägä kitep yäşisem kilä, çönki anıñ tabiğäte oşıy.

-Minem Rusiädä yäşisem kilä. Çit ildä, bez çit keşelär.

- Angliädä yäşisem kilä: çönki anıñ kul''turası bik yaxşı, çönki min anda ingliz telenä yaxşıraq öyräner idem, anda yäşärgä ciñelräk.

-Min Çirmeşän rayonınnan. Qazanda qalırğa bik zur telägem bar . Bu telägem tormışqa aşır, dip uylıym.

- Şähär çitendä, tabiğät qoçağında yäşär idem. Çönki monda bik küp maşinalar, alarnıñ çığarğan isläre, uramdağı bökelär yäşärgä bik qomaçawlıy.

- Çit ilgä qarağanda, monda yaxşıraq .

- Minem Amerikada yäşisem kilä: çönki anda äybäträk toralar, ul bik alğa kitkän il.

- Yaponiädä :çönki miña anıñ kul''turası oşıy.

-Üzebezneñ ildä yäşär idem, miña çit il kiräkmi. Qaya barsañ da, tuğan ileñ, tuğan cireñ yaqınraq.

Mälikä Basıyr

XS
SM
MD
LG