Kondopoga şähärendä yäşägän berniçä distä çeçen ğailäse, küpçelege xatın-qızlar häm balalar, töbäkneñ könyäğındağı turistlar üzägenä küçerelgän. Alarnı iminlek maqsatında täwlek buyı saqlıylar. Petrozavodskida säyäsi firqalär häm ictimağıy oyışmalar başlıqları Kondopogada bulğan tärtipsezleklärne tikşerä. Sişämbegä qarşı töndä tağın xosusıy kibetne yandırırğa telägännär. Uzğan yäkşämbedä ike kondopogalını ütergännän soñ Kavqazdan çıqqannarnıñ säwdä urınnarın cimerä, wata başlağannar ide. Bu tärtipsezleklärdä qatnaşqan 100 dän artıq keşe totqarlandı. Üterüdä şiklänelgän berniçä keşe qulğa alınğan.