Sişämbe könne suğışçılar utırğan maşina Amerikan ilçelege qarşına tuqtap andağı saqçılarğa ut açqan, atışlar başlanğaç maşina şartlağan. Mäğlümat agentlıqları şulay dip xäbär itte.
Dimäşktäge AQŞ ilçelegenä berniçä yöz metr yaqınlıqta urnaşqan xalıqara bank xezmätkärläre bügenge xällärne üz küzläre belän kürgän:
"Atışlar buldı, annarı ilçelektän qara töten çıqqanın kürdek. Bez ilçelekkä yaqın, ämma närsä bulğanın kürerlek däräcädä ük yaqın tügel. Şartlawlar işettek, atışlar bulğanın işettek."
Süriä eçke eşlär ministrlığı köçläre 3 suğışçını atıp ütergän. General Bassam Äbd äl-Mäcid, höcümne – terror ğämäle dip atadı.
Süriädäge amerikan diplomatlarına ziyan bulmağan. İğtibar yañadan Süriädäge törle suğışçan törkemnärgä yünälde. Berlinda urnaşqan Germaniäneñ Xalıqara häm İminlek Xälläre İnstitutı citäkçese Volker Perthes, Süriä, üzenä qarşı bula alğan islam oyışmalarına irek birmäde, di. İkençe yaqtan, AQŞnıñ Ğiraqqa ğäskär kertüennän birle Äl-Qaida bülekçäläre Süriädä räxät yäşäde:
"Xökümätneñ "Möselman Qardäşlege" digän Süriädä qayçandır iñ köçle bulğan islam xäräkätenä qarşı köräş täcribäse bar. Ämma Süriä xökümätenen xäzer kübräk Äl-Qaida misalında oyışqan törkemnär, cihadçılar borçıy. Alar xökümät kontrolendä tügel, alar belän xökümät köçläre arasında bäreleşlär bulıp tora."
Waşington, Süriäne üz çige aşa Ğiraqqa suğışçılar häm alarğa aqçalar cibärüdä ğäyepläp kilä. AQŞ belän şaqtıy kierenke mönäsäbättä bulğan Dimäşk isä bu ğäyepläwlärne kire qağa. Soñğı yıllarda Süriä xökümäte üz ilendäge konservativ islamçılarğa yararğa tırışıp kübräk mäçetlär salu xästärlegen dä kürde. Ämma Süriädä "açulı keşelär" – suğışçılar kübräk cıyılğan sayın, ilneñ üzenä dä izolyasiädä qalu qurqınıçı arta bara. Waşingtonnıñ, Süriäne terrorçılarnı yaqlawda ğäyepläwläre tağın da köçäyep, xalıqara investisiälärgä ixtiyacı zur bulğan bu ilgä – çit il aqçaları kilmi başlaw ixtimalı bar.
Höcüm öçen cawaplılıqnı üz östenä äle ber oyışma da almadı. Kanadada säfärdä bulğan AQŞ Däwlät Sekretare Kondoleezza Rice ta, kemnär höcüm itkäne älegä bilgesez dip belderde.
Alsu Qormaş
"Atışlar buldı, annarı ilçelektän qara töten çıqqanın kürdek. Bez ilçelekkä yaqın, ämma närsä bulğanın kürerlek däräcädä ük yaqın tügel. Şartlawlar işettek, atışlar bulğanın işettek."
Süriä eçke eşlär ministrlığı köçläre 3 suğışçını atıp ütergän. General Bassam Äbd äl-Mäcid, höcümne – terror ğämäle dip atadı.
Süriädäge amerikan diplomatlarına ziyan bulmağan. İğtibar yañadan Süriädäge törle suğışçan törkemnärgä yünälde. Berlinda urnaşqan Germaniäneñ Xalıqara häm İminlek Xälläre İnstitutı citäkçese Volker Perthes, Süriä, üzenä qarşı bula alğan islam oyışmalarına irek birmäde, di. İkençe yaqtan, AQŞnıñ Ğiraqqa ğäskär kertüennän birle Äl-Qaida bülekçäläre Süriädä räxät yäşäde:
"Xökümätneñ "Möselman Qardäşlege" digän Süriädä qayçandır iñ köçle bulğan islam xäräkätenä qarşı köräş täcribäse bar. Ämma Süriä xökümätenen xäzer kübräk Äl-Qaida misalında oyışqan törkemnär, cihadçılar borçıy. Alar xökümät kontrolendä tügel, alar belän xökümät köçläre arasında bäreleşlär bulıp tora."
Waşington, Süriäne üz çige aşa Ğiraqqa suğışçılar häm alarğa aqçalar cibärüdä ğäyepläp kilä. AQŞ belän şaqtıy kierenke mönäsäbättä bulğan Dimäşk isä bu ğäyepläwlärne kire qağa. Soñğı yıllarda Süriä xökümäte üz ilendäge konservativ islamçılarğa yararğa tırışıp kübräk mäçetlär salu xästärlegen dä kürde. Ämma Süriädä "açulı keşelär" – suğışçılar kübräk cıyılğan sayın, ilneñ üzenä dä izolyasiädä qalu qurqınıçı arta bara. Waşingtonnıñ, Süriäne terrorçılarnı yaqlawda ğäyepläwläre tağın da köçäyep, xalıqara investisiälärgä ixtiyacı zur bulğan bu ilgä – çit il aqçaları kilmi başlaw ixtimalı bar.
Höcüm öçen cawaplılıqnı üz östenä äle ber oyışma da almadı. Kanadada säfärdä bulğan AQŞ Däwlät Sekretare Kondoleezza Rice ta, kemnär höcüm itkäne älegä bilgesez dip belderde.
Alsu Qormaş