Törki xalıqları Qorıltayı Törkiäneñ Antal'ya şähärendä uzğan. Anda Tatarstannan tarixçı Damir İsxakov, tarix institutınıñ ölkän fänni xezmätkäre Färidä Ğaffarova häm Tatar kongressınnan Mars Tuqaev qatnaşqannar. İñ zur delegatsiä Äzerbäycannan bulğan. Bu xaqta tarix institutınnan Färidä Ğaffarova
Äzerbäycannan Prezident citäkçelegendä 100 keşelek delegatsiä kilde.
“Törek dönyası häm cämğiätläreneñ duslığı, qärdäşlek, eş berdämlege häm mädäniät” dip atalğan konferensiädä Törkiäneñ Premyer-ministrı üze dä qatnaşqan. Anda eş biş seksiä buyınça barğan. Bu mädäniät, xoquq, eş berlege, xalıqara bäyläneşlär häm yäşlär komissiäse. Mädäniät komissiäsendä qatnaşqan tarix fännäre kandidatı Färidä Ğaffarova
Berdäm törki tel häm berdäm älifba mäs’äläse qaraldı. Älege konferensiäne alıp barğan professor Mostafa Osqaya ul härber däwlät üz telendä qala, ämma törki däwlätlärgä çıqqaç ädäbi ber tel bulırğa tieşlegen äytte. Menä şuşı törek, tatar, qırğız, qazax tellären berläşterep böten keşe añlıy torğan tel tudıru kiräklegen äytte. Bu isä törki ber jurnal, törki fil'mnar buldırırğa mömkinlek biräçäk dielde. Şulay uq törki xalıqlar öçen yal itü urınnarın buldıru turında söyläşnde.
Şulay uq berdäm latin älifbasın buldırırğa kiräklegenä dä basım yasalğan. Tatarstannan Damir İsxakov isä üzebezdä bulğan mäs’älälärne kütärgän. Färidä Ğaffarova
Damir İsxakov ike problemanı kütärde. Bezneñ Törkiädä belem alğan studentlarnıñ Rusiädä diplomnarı tanılmaw mäs’äläse. Häm şunıñ öçen ayırım ber kileşü kiräklegenä basım yasadı. Şulay uq duslıq cämğiätlären dönya külämenä çığarırğa kiräk häm Rusiä külämendä tanıtu zarurlığın assızıqladı.
Färidä Ğaffarova belderüençä, biredä här xalıq üz problemasın kütärgän. Bilgele älege qorıltaylarda assızıqlanğan mäs’älälärneñ yartısı ğına xäl itelä. Läkin şuña da qaramastan bu cıyınnarnıñ üz ähämiäte bar. Färidä Ğaffarova
Törki xalıqlarınıñ köçlelegen, problemalarnı kürülären telibez dilär. Çönki küp xalıqlar monı üzlärendä sizmi. Annarı qayberläre inde tellären dä yuğaltıp bara.
Färidä Ğaffarova äytüençä, barlıq qunaqlarnı bik yuğarı däräcädä qabul itkännär. Qunaqlar öçen Törkiä Premyer ministrı häm şulay uq Törkiäneñ xezmättäşlek häm üseş idäräse (TİQA) tantanalı qabul itülär oyıştırğan. Älege çara öçen barlığı 700 meñ dollar aqça totılğan.
Landış Xarrasova
