Tatarstan xökümäte sälätle yäşlärne uqıtu häm belgeçlärne äzerläw maqsatında bıyl budjettan 100 million sum bülep birde. Andıy grantlar öçeb budjetta aqçalar yıl sayn açqalar qaralaçaq, dip belderde Tatarstan xökümäte başlığı Röstäm Miñnexanov. Bıyl, mäğärif ölkäsendäge grantlarğa ömet itkän meñ yarımğa yaqın keşedän 531 saylap alındı. Alar arasında studentlar, aspirant, şirkät citäkçeläre häm professorlar da bar. Tatarstan mägärif ministrlığınıñ tışqı xezmättälek bülege belgeçe Ramilä Möxetdinova äytkänçä, grantlar bäygesendä ciñüçelär Quşma Ştatlar, Britaniä, Germaniä häm Rusiäneñ yuğarı uqu yortlarında belem alaçaq. Tatarstan Mägärif ministrlığı wäkile, böten çığımnarnı Tatarstan budjetı kütärä, uquçalarğa grantnıñ salım öleşen genä däwlätqä qaytarırğa turı kiläçäk. Çit il yuğarı uqu yortlarına barırğa ciyınuçı yäşlär öçen Qazanda tellär mäktäbe dä açıldı. Ansı da Tatarstan aqçasına. Rusiä külämendä, belemle häm zamança fikerli torğan citäkçelärne äzerläw mäsäläsen, uquçlarnı çitkä cibärmiçä, ä üzendä uqıtıp xäl itärgä cıyınalar. Küptän tügel Mäskäw ölkäseneñ Skolkovo bistäsendä bulaçaq biznes-mäktäpkä nigez taşın salu tantanası buldı. Anda Rusiä Preizdentı Vladimir Putin häm başqa yuğarı däräcäle citäkçelär, zur biznes wäkilläre qatnaştı. Tantanada, Mäskäw idärä mäktäbe dip atala torğan şuşı uqu yortına, däwlät tarafınnan teläktäşlek kürsäteläçäk, ämma bu mäktäp biznes şirkätlär aqçasına eşliyäçäk, dip belderelde. Älege proyektnıñ bäyäse 300 million dollar külämendä, dip isäplänä. Älege mäktäpkä açqa birgän 14 eşmäkär arasında Roman Abramoviç häm qorıç magnatı Aleksey Mordaşev kebek oligarxlar bar. Çit il investorları da aqça kertkän. Mäsälän Hindostannıñ Sun Group investmen şirkäte häm Russiä belän Britanieñ urtaq neft şirkäte TNK-BP. Älege proektnı başlap yörüçe – eşmäkär Ruben Vardanyan. Ul mäktäpneñ Prezidentı da bulaçaq. Anıñ äytüenä qarağanda, älege mäktäpneñ maqsatı - Rusiä biznes bazarında yaxşı äzerlekle citäkçelärgä bulğan qıtlıqnı beterü. Mäskäwdä urnaşqan Nikitskiy fondı citäkçelärneñ berse Eric Kraus äytüençä, maxsus äzerlekle citäkçelärneñ bulmawı Rusiä biznesı öçen zur mäsälä bulıp tora.
“Böten Sövet berlegendä biznes ölkäsendä belem birü bulmadı. Rusiälelär küptörle belemgä iä, ämmä eşmäkärlek ölkäsendä alarnıñ täcribäläre bik az. Xäzergä qädär, biznes ölkäsendä citdi belem alırğa teläwşelär çit ilgä barırğa tieş ide. Mondıy mömkinlekne monda tudırıluı Rusiä öçen faydalı buluı kön kebek açıq.’’ - di Eric Kraus. Oyıştıruçılar süzlärençä, Mäskäw idärä mäktäbe, Quşma Ştatlardağı Harvard biznes mäktäbe belän ber däräcädä bulırğa tieş. Şuşı mäktäpne tämamlawçılarğa, eşmäkärlektä yuğarı bäyälänä torğan, MBA diplomı bireläçäk. 18 aylıq uqularnıñ bäyäse arzan tügel - 50 meñ dollar külämendä bulır dip kötelä. Mäktäp 2009 yılda açılırğa tieş.
Bikä Timerova.
Tatarstanda, Qazan däwlät universitetında, 4nçe üktäberdä Rusiäneñ iñ bay keşeläreneñ berse, Vladimir Potanin stependiäsenä bäyge başlana. Qazan däwlät Universitetınnan qala, bu proektta İdel buyı federal okruğınnan tağın 8 yuğarı uqu yortı qatnaşa. Rusiä oligarxları aqçalarına eşliäçäk biznes mäktäbenä, küptän tügel Mäskäwdä nigez taşı salındı.