Accessibility links

Кайнар хәбәр

Törkiä wäkilläre Qazanda iftar mäclese uzdırdı


Ramazan uñayınnan iftar mäcleslären oyıştırırğa Törkiädän Tatarstanğa 120 keşe kilde. Alar arasında törek deputatları, törle şähärlärneñ rayon başlıqları, cämäğät eşlekleläre, cırçılar bar ide. Qısqası märtäbäle wäkilçelek. Tatarstanda alar 3 kön buldı. Häm şul däwerdä Qazandağı 10га yaqın mäçettä awız açtırdı, yäğni 3 meñ keşegä isäplängän aqça bülep birdelär. Şulay uq qärdäşlärebez üzläre dä älege mäcleslärdä qatnaştılar häm Tatarstanda awız açunıñ niçek uzuı belän qızıqsındılar. İftarnıñ berse tantanalı räweştä Qazannıñ Märcäni mäçetendä uzdı. Anı İstanbul şähäreneñ Baqçalı Öylär rayonı xakimiäte oyıştırdı. “Mondıy izge mäcleslärdä bergäläp utıru üze ber şatlıq”, - dide Baqçalı öylär xakimiäte başlığı Osman bäy Däwäli. İstanbul şähäre deputatı Xuseyn Qansu dönyada törki xalıqlarnıñ küp buluın assızıqladı. «Nindi genä millät bulmasın ul bezneñ tamırlarıbız. Ä möselman qärdäşlärebez buluı bigräk tä ähämiätkä iä. Çönki dönyada 6 milliard keşe yäşi häm şunıñ 1 milliard 500 millionı – möselmannar”, - dide ul.

Qazannan isä anda Waxitov rayonı xakimiäte başlığı Ruslan Şakirov, “Märcäni” mäçete imamı Mansur xäzrät Cäläletdinov bar ide. Alar qunaq aşı qara-qarşı digändäy, bezgä Törkiädäge iftarlarnıñ niçek uzuı qızıq. Tatarstanlılıra da kiläse yıllarğa sezgä qunaqqa barırlar dip belderdelär. Qunaqlarğa ayıruça çäkçäk, pärämäç, öçpoçmaq oşadı.

Şulay uq alar Qazannıñ iñ märtäbäle “Miraj” kunakxanäsenä dä iftarğa rayon başlıqların, din ähellären çaqırdılar. Anda ike yaqlı duslıq turında süz bardı. Äytergä kiräk, 11 oktäber könne İstanbulda Tatarstannıñ Törkiädäge wäkillege dä awız açtıru mäclesen oyıştırğan ide. İstanbulda uzğan çara turında Törkiädän “Fetrans” oyışması wäkile Rafael' Salaxiev

Monda studentlar, Törkiädä yäşäwçe millättäşlärebez qatnaştı. Bez aralştıq, çäylär eçtek bergäläp. Monda elektän yäşägän tatarlar inde törekläşkän. Şuña çaralar kübräk törek telendä uza.

Rafael' Salaxiev belderüençä, mondıy urtaq mäcleslär uzdıruı ike millät öçen dä ayıruça küñelle.

Törkiädän kilgän qunaqlarnıñ säfäre “Piramida” da uzğan konsert belän tämamlandı. Anda Tatarstan häm Törkiä cırçıları çığış yasadı.

Landış Xarrasova

XS
SM
MD
LG