Accessibility links

Кайнар хәбәр

Ukrainada 4 ministr xökümättän kitkän


“Bezneñ Ukraina” blogınnan bulğan ministrlar Viktor Yanukovíç xökümäten taşlap kitkän. 4 ministr: yustitsiä, sälamätlek saqlaw, ğailä eşläre, mädäniät häm turizm ministrı vazífalarınnan kitü turında ğäriza yazğan. Alarnıñ bu qararı parlament fraksiase “Bezneñ Ukrainanıñ” oppozitsiägä küçüe belän bäylängän. Prezident yaqlı blok äğzaları xäzerge kabinetnıñ eçke häm tışqı säyäsäte belän kileşmäwläre turında belderde. Bu xaqta sişämbe könne räsmi iğlan itelgän ide. “Bezneñ Ukraina” fraksiase başlığı Roman Besmertnıy alğa taba eşne niçek oyıştırırğa teläwläre turında bolay dide:

“Bezneñ oppozitsiäne berläşterügä üz täqdimebez bar. Anıñ öçen “Milli berlek universalı”n säyäsi xartia itep alıp “Yewropa Ukrainası” berläşmäse tözü. Anıñ eşçänlegen täemin itü öçen bez oppozitsiädäge xökümät tözergä täqdim itäbez”.
XS
SM
MD
LG