"Minem tormışımda zur şatlıq ta, zur qayğı da buldı. Xäzer min zur oytanıñ da närsä ikänen beläm."
2 million dollardan artıq rişwät alğan öçen 8 yıl törmägä xökem itelgän elekke kongressmen Randy Cunningham bu süzlären Mart ayında äytkän ide. Şunan birle Kongress tiräsendä tağın berniçä cancal buldı. Wäkillär pulatında Respublikannar citäkçese wäkälät arttıruda, rişwätçelektä ğäyeplängännän soñ Yün ayında Kongresstan kitte.
Küptän tügel tağın ber respublikan Mark Foley İnternet aşa yäşüsmerlär belän ğişıq-mişıq uynawda totılıp, oppozitsiädäge demokartalrğa tänqit öçen yaña forsat birde.
Maryland wäkile demokrat Van Hollen fikerençä, respublikannarnıñ mondıy qılanışları demokratlarğa Kongress saylawların ciñüdä yärdäm itäçäk:
"Alar administratsiäne tügel, xättä üzlären dä kontrol itä almıy. Kongressmen Foley oçrağı şunı kürsätä, Respublikan citäkçelär üzläreneñ säyäsi kiläçägen yäşüsmerlärneñ iminlegennän dä yuğarıraq quya" di Demokratlar wäkile.
Ä menä New York wäkile respublikannarnıñ saylaw aldı kampaniäse citäkçese Thomas Reynolds fikerençä, saylawçılar tawış birgändä ilküläm tügel, ä cirle mäsälälärne iskä alıp eş itä:
"Saylaw aldı bäxäsläre ilküläm TVda barsa da, yarış cirle namzätlär arasında, cirle mäsälälär tiräsendä bara. Saylawçılar Respublikan yä Demokrat öçen tügel, ä tege yä bu şäxes öçen tawış biräçäk" di Respublikan wäkile.
Bu fikerlär belän Washingtondağı Demokratiä institutı citäkçese Patrick Basham da kileşä. Foley cancalı Respublikannar aldında torğan mäsälälärneñ berse genä, läkin ul moxim, çönki bar Amerikağa şawladı, di ul:
"Bu turıda härkem işette. Ul iğtibarnı cälep itte. Keşelär Respublikan citäkçelärneñ aqlanırğa tırışuın kürde. Yağni, ğädättägeçä, cancal üze tügel, ä citäkçelärneñ anıñ belän niçek eş itüe berençe urınğa çıqtı" di Patrick Basham.
Soñğı könnärdä şuşı cancallar arqasında demokratlar Kongressnıñ ber yä xättä ike pulatında da küpçelekne alırğa mömkin digän farazlar taraldı. Bu isä prezident Bushnı qalğan ike yılda awır xälgä quyarğa mömkin. Ämmä Patrick Basham fikerençä, demokratlar aldan tınıçlanıp tawış birügä barmasqa mömkin. Bu oçraqta respublikannar östenlegen saqlap qala ala.
Kiläse atna Kongress saylawlarında köräş Wäkillär pulatında bar 435 urın häm Senattağı 100 urınnıñ 1/3e öçen baraçaq.
Ali Ğilmi
2 million dollardan artıq rişwät alğan öçen 8 yıl törmägä xökem itelgän elekke kongressmen Randy Cunningham bu süzlären Mart ayında äytkän ide. Şunan birle Kongress tiräsendä tağın berniçä cancal buldı. Wäkillär pulatında Respublikannar citäkçese wäkälät arttıruda, rişwätçelektä ğäyeplängännän soñ Yün ayında Kongresstan kitte.
Küptän tügel tağın ber respublikan Mark Foley İnternet aşa yäşüsmerlär belän ğişıq-mişıq uynawda totılıp, oppozitsiädäge demokartalrğa tänqit öçen yaña forsat birde.
Maryland wäkile demokrat Van Hollen fikerençä, respublikannarnıñ mondıy qılanışları demokratlarğa Kongress saylawların ciñüdä yärdäm itäçäk:
"Alar administratsiäne tügel, xättä üzlären dä kontrol itä almıy. Kongressmen Foley oçrağı şunı kürsätä, Respublikan citäkçelär üzläreneñ säyäsi kiläçägen yäşüsmerlärneñ iminlegennän dä yuğarıraq quya" di Demokratlar wäkile.
Ä menä New York wäkile respublikannarnıñ saylaw aldı kampaniäse citäkçese Thomas Reynolds fikerençä, saylawçılar tawış birgändä ilküläm tügel, ä cirle mäsälälärne iskä alıp eş itä:
"Saylaw aldı bäxäsläre ilküläm TVda barsa da, yarış cirle namzätlär arasında, cirle mäsälälär tiräsendä bara. Saylawçılar Respublikan yä Demokrat öçen tügel, ä tege yä bu şäxes öçen tawış biräçäk" di Respublikan wäkile.
Bu fikerlär belän Washingtondağı Demokratiä institutı citäkçese Patrick Basham da kileşä. Foley cancalı Respublikannar aldında torğan mäsälälärneñ berse genä, läkin ul moxim, çönki bar Amerikağa şawladı, di ul:
"Bu turıda härkem işette. Ul iğtibarnı cälep itte. Keşelär Respublikan citäkçelärneñ aqlanırğa tırışuın kürde. Yağni, ğädättägeçä, cancal üze tügel, ä citäkçelärneñ anıñ belän niçek eş itüe berençe urınğa çıqtı" di Patrick Basham.
Soñğı könnärdä şuşı cancallar arqasında demokratlar Kongressnıñ ber yä xättä ike pulatında da küpçelekne alırğa mömkin digän farazlar taraldı. Bu isä prezident Bushnı qalğan ike yılda awır xälgä quyarğa mömkin. Ämmä Patrick Basham fikerençä, demokratlar aldan tınıçlanıp tawış birügä barmasqa mömkin. Bu oçraqta respublikannar östenlegen saqlap qala ala.
Kiläse atna Kongress saylawlarında köräş Wäkillär pulatında bar 435 urın häm Senattağı 100 urınnıñ 1/3e öçen baraçaq.
Ali Ğilmi