Dönyanıñ tanılğan xatın-qızları isemleklärennän töşmägän Hillary Clinton çınnan da çığış yasağanda üzen – qıyu häm maqsatçan säyäsätçe bulıp tanıtıp kilde. Uzğan sişämbe könne New Yorktağı Tışqı mönäsäbätlär şurasında yasağan çığışında ul, AQŞnıñ Ğiraqtağı säyäsäten üzgärtü kiräklegenä basım yasadı, häm Waşingtonnı – başqa illär fikerenä dä qolaq salırğa çaqırdı:
"Süz häm ğämäl belän bez xalıqara fikerläwne yaña ğasırda kire qaytarırğa tieş. Bez ikençe böten dönya suğışında üzebez genä suğışmadıq, salqın suğış çorında bez yalğız tügel idek. Global terror häm başqa şundıy zur awırlıqlarnı da bez üzebez genä ciñä almayaçaqbız."
7 noyaber könne Clinton, respublikan firqasennän köndäşe John Spencerdan kübräk tawış cıyıp, Senatqa qabat 6 yılğa saylanır dip kötelä.
Säyäsätçelär, Clinton, 2008nçe yılda prezidentlıqqa çığarğa äzerlänä, dip sanıy. Anıñ inde berniçä östenlege bar. Hillary üze säyäsätçe bularaq tanılğan, şulay uq anıñ elekke prezident Bill Clintonnıñ xatını buluın da belälär. Bolardan tış bu xanım – törle çaralar uzdırıp törle maqsatlarğa aqça cıyuda da uñışqa ireşkän. Boları – uñay yaqları bulsa, Hillary Clintonnıñ däräcäsenä tiskäre täsir yasıy ala torğan yaqlar da citärlek, di belgeçlär. Tiskäre mönäsäbät turında AQŞtağı Maryland Universitetında säyäsät belgeçe Benjamin R.Barbernı tıñlıyq...
"Anıñ uñay yaqları – ildä demokratlar arasında iñ küp. Ämma problema şunda – anı yaratmawçılar da bik küp. Şulay itep – anı yaratqan keşelär anı bik nıq yarata, yaratmawçılar – bik tä yaratmıy. Anı yaratmawçılar häm oppozisiäneñ motivasiäse köçle bulır, digän borçılular bar."
Respublikannar üz çığışlarında daimi räweştä, Clinton ğailäseneñ Aq Yortqa kire qaytu ixtimalına qarşı söyläp tora. Alar Clintonnarnı – sosial yaqlaw qanunnarın irekle bazardan östen kürüdä ğäyepläp kilä, häm Monika Lewinsky tiräsendäge xällärne iskä töşerep, Clinton ğailäsen ählaqsız dip atıy.
Hillary Clintonnıñ, respublikannarğa oşağan ber yağın bar, ul da bulsa – anıñ tışqı säyäsättäge täcribäse häm Senatnıñ qorallı köçlär komitetı eşendä qatnaşuı. Hillary, Bushnıñ Ğiraqta Saddam rejimın bärep töşerüdä xärbi köç qullanuın yaqlap tawış birgän ide. Annan soñ ğına ul, Bushnı Ğiraq nizağına çişeleş taba almawda täñqitläp çıqtı. Tağın ber problema çığuı ixtimal – 2008nçe yılğa qadär demokratlarlardan tağın ber köçle namzätneñ üsep çığuı mömkin.
Hillary Clinton prezident bulırmı? Clintonnar ğailäse qabat Aq Yortqa kerep urnaşırmı? Bu sorawlar – Hillary üze – prezidentlıqqa köräşkä çığam yäki çıqmıym dip äytkänçe – älegä cawapsız qalaçaq...
Alsu Qormaş
"Süz häm ğämäl belän bez xalıqara fikerläwne yaña ğasırda kire qaytarırğa tieş. Bez ikençe böten dönya suğışında üzebez genä suğışmadıq, salqın suğış çorında bez yalğız tügel idek. Global terror häm başqa şundıy zur awırlıqlarnı da bez üzebez genä ciñä almayaçaqbız."
7 noyaber könne Clinton, respublikan firqasennän köndäşe John Spencerdan kübräk tawış cıyıp, Senatqa qabat 6 yılğa saylanır dip kötelä.
Säyäsätçelär, Clinton, 2008nçe yılda prezidentlıqqa çığarğa äzerlänä, dip sanıy. Anıñ inde berniçä östenlege bar. Hillary üze säyäsätçe bularaq tanılğan, şulay uq anıñ elekke prezident Bill Clintonnıñ xatını buluın da belälär. Bolardan tış bu xanım – törle çaralar uzdırıp törle maqsatlarğa aqça cıyuda da uñışqa ireşkän. Boları – uñay yaqları bulsa, Hillary Clintonnıñ däräcäsenä tiskäre täsir yasıy ala torğan yaqlar da citärlek, di belgeçlär. Tiskäre mönäsäbät turında AQŞtağı Maryland Universitetında säyäsät belgeçe Benjamin R.Barbernı tıñlıyq...
"Anıñ uñay yaqları – ildä demokratlar arasında iñ küp. Ämma problema şunda – anı yaratmawçılar da bik küp. Şulay itep – anı yaratqan keşelär anı bik nıq yarata, yaratmawçılar – bik tä yaratmıy. Anı yaratmawçılar häm oppozisiäneñ motivasiäse köçle bulır, digän borçılular bar."
Respublikannar üz çığışlarında daimi räweştä, Clinton ğailäseneñ Aq Yortqa kire qaytu ixtimalına qarşı söyläp tora. Alar Clintonnarnı – sosial yaqlaw qanunnarın irekle bazardan östen kürüdä ğäyepläp kilä, häm Monika Lewinsky tiräsendäge xällärne iskä töşerep, Clinton ğailäsen ählaqsız dip atıy.
Hillary Clintonnıñ, respublikannarğa oşağan ber yağın bar, ul da bulsa – anıñ tışqı säyäsättäge täcribäse häm Senatnıñ qorallı köçlär komitetı eşendä qatnaşuı. Hillary, Bushnıñ Ğiraqta Saddam rejimın bärep töşerüdä xärbi köç qullanuın yaqlap tawış birgän ide. Annan soñ ğına ul, Bushnı Ğiraq nizağına çişeleş taba almawda täñqitläp çıqtı. Tağın ber problema çığuı ixtimal – 2008nçe yılğa qadär demokratlarlardan tağın ber köçle namzätneñ üsep çığuı mömkin.
Hillary Clinton prezident bulırmı? Clintonnar ğailäse qabat Aq Yortqa kerep urnaşırmı? Bu sorawlar – Hillary üze – prezidentlıqqa köräşkä çığam yäki çıqmıym dip äytkänçe – älegä cawapsız qalaçaq...
Alsu Qormaş