Xalıq Könyaq Ossetiäneñ bäysezlegen yaqlar dip kötelsä dä, bu çaranıñ säyäsi näticälären farazlaw qıyın. Gruziä tawış birüne qanunsız dip atadı häm Könyaq Ossetiäne kire Gruziä qaramağına qaytaraçağın belderde.
Başqala Tsxinvalida tawış birep çıqqannan soñ prezident Kokoity, Könyaq Ossetiä, bäysezlekkä tınıç yullar belän ireşäçäk, dip belderde:
"Bez barı tik 1992nçe yılda uzğan referendum näticälären isbatlıybız. Bez – üzebezne döres yulda dip sanıybız. Biredä xalıqara küzätüçelär, xalıqara jurnalistlar küp, alar Könyaq Ossetiä xalqı öçen bäysezlekneñ ni qadär qaderle buluın dönyağa citkersen."
Rusiäneñ Kavkaz tawlarındağı çik buyında urnaşqan bu respublika 1992nçe yılda Gruziä belän qısqa ämma qanlı suğıştan soñ bäysezlek iğlan itte. Ul waqıtta yözlägän keşe häläk buldı, distälägän meñ keşe yortların taşlap kitergä mäcbür buldı.
Tsxinvalida referendumğa kilüçelär – Gruziädän ayırılunı yaqlıy. Başqalada yäşäwçe Nodar Koçiev, bäysezlek ul – yäşäp qalu, dip belderde:
"Bäysezlek – Könyaq Ossetiä öçen yäşäp qalu. Başta bäysezlek, annarı – Rusiägä quşıluı."
Rusiä belän yaqınlıq biredä adım sayın sizelä. Xalıqnıñ küpçelege Rusiä pasportlarına iä, alış-bireştä Rusiä aqçası, rubl qullanıla. Könyaq Ossetiäneñ aqlı-qızıllı-sarı bayrağı yanında Rusiäneke dä elenep tora. Ämma böten keşe ber törle uylıy digän süz tügel. Respublika Gruziä başqalası Tbilisidan 100 genä çaqrım yıraqlıqta urnaşqan. Awıllarda küpçelege gruzinnar yäşi. Häm alar bügen üz tawış birülären oyıştırdı.
Tsxinvali rayonı Eredvi awılında urnaşqan Alternativ saylaw komissiäse räise Uruzmag Karkusov süzlärenä qarağanda, "Kokoity''ğa buysınmağan rayonnarda köndäş citäkçe saylawlarına kilüçelär sanı – kötelgännän dä yuğarıraq", dip belderde. Tawış birüdä 60%qa yaqın keşe qatnaşqan. Könyaq Ossetiädä yäkşämbe könne uzğan bäysezlek turında referendum häm 2 prezident saylawlarınıñ näticäse – düşämbe könne bilgele bulaçaq.
Alsu Qormaş
Başqala Tsxinvalida tawış birep çıqqannan soñ prezident Kokoity, Könyaq Ossetiä, bäysezlekkä tınıç yullar belän ireşäçäk, dip belderde:
"Bez barı tik 1992nçe yılda uzğan referendum näticälären isbatlıybız. Bez – üzebezne döres yulda dip sanıybız. Biredä xalıqara küzätüçelär, xalıqara jurnalistlar küp, alar Könyaq Ossetiä xalqı öçen bäysezlekneñ ni qadär qaderle buluın dönyağa citkersen."
Rusiäneñ Kavkaz tawlarındağı çik buyında urnaşqan bu respublika 1992nçe yılda Gruziä belän qısqa ämma qanlı suğıştan soñ bäysezlek iğlan itte. Ul waqıtta yözlägän keşe häläk buldı, distälägän meñ keşe yortların taşlap kitergä mäcbür buldı.
Tsxinvalida referendumğa kilüçelär – Gruziädän ayırılunı yaqlıy. Başqalada yäşäwçe Nodar Koçiev, bäysezlek ul – yäşäp qalu, dip belderde:
"Bäysezlek – Könyaq Ossetiä öçen yäşäp qalu. Başta bäysezlek, annarı – Rusiägä quşıluı."
Rusiä belän yaqınlıq biredä adım sayın sizelä. Xalıqnıñ küpçelege Rusiä pasportlarına iä, alış-bireştä Rusiä aqçası, rubl qullanıla. Könyaq Ossetiäneñ aqlı-qızıllı-sarı bayrağı yanında Rusiäneke dä elenep tora. Ämma böten keşe ber törle uylıy digän süz tügel. Respublika Gruziä başqalası Tbilisidan 100 genä çaqrım yıraqlıqta urnaşqan. Awıllarda küpçelege gruzinnar yäşi. Häm alar bügen üz tawış birülären oyıştırdı.
Tsxinvali rayonı Eredvi awılında urnaşqan Alternativ saylaw komissiäse räise Uruzmag Karkusov süzlärenä qarağanda, "Kokoity''ğa buysınmağan rayonnarda köndäş citäkçe saylawlarına kilüçelär sanı – kötelgännän dä yuğarıraq", dip belderde. Tawış birüdä 60%qa yaqın keşe qatnaşqan. Könyaq Ossetiädä yäkşämbe könne uzğan bäysezlek turında referendum häm 2 prezident saylawlarınıñ näticäse – düşämbe könne bilgele bulaçaq.
Alsu Qormaş