Xalıqara cämäğätçelekneñ atom eşçänlegen tuqtatu taläbenä qaramastan, İran, uran bayıtu programmasın kiñäytü plannarı turında iğlan itte. Tışqı eşlär ministrlığınıñ matbuğat wäkile Ali Hosseini, Tähran, 2007nçe yılnıñ mart ayına qadär uran bayıtu öçen 3 meñ sentrifuga quyarğa cıyına, dip belderde. Ul şulay uq, İzrailneñ höcümenä İran cawap birergä äzer, dide: "Ägär dä İzrail şundıy axmaq çarağa barırğa sälätle ikän, İran islam cömhüriäteneñ cawabı kisken häm qatı bulaçaq, moña şik yuq. Cawap üzen köttermiäçäk," dide İran tışqı eşlär ministrlığı wäkile.
